شێروان دوبه‌ردانی:پێدڤیه جڤاتا نوونه‌ران باوه‌ریێ ژ سه‌رۆك كۆماری وه‌رگریت
ئه‌ندامێ جڤاتا نوونه‌رێن ئیراقێ ژ فراكسیۆنا پارتی، شێروان دوبه‌ردانی راگه‌هاند، ئه‌وا سه‌رۆكێ كۆمارا ئیراقێ ئه‌نجامدای د پرسا لێبۆرینێ ژ كه‌سه‌كێ حوكمكری ب تۆمه‌تا بازرگانیكرنێ ب مادێن هۆشبه‌ر، به‌رۆڤاژی دستووری و هه‌موو قانوونایه، هه‌روه‌سا تاوانه‌كا گشتی یه ژی نه‌كو تاوانه‌كا تایبه‌ته، د قانوونا ئیراقێ دا مادا هۆشبه‌ر تاوانه‌كا گشتی یه و یا تایبه‌ت نینه، ئه‌و تۆمه‌تبارێ كارێ بازرگانیا مادێن هۆشبه‌ر كری زیان گه‌هاندیه جڤاكی، له‌وما پێدڤیه باوه‌ری ژ سه‌رۆكێ كۆمارێ بهێته وه‌رگرتن و بهێته دادگه‌هكرن.
گۆت ژی” سه‌رۆك كۆماری د مادا 73 ژ دستووری خوه ب خوه تۆمه‌تباركریه و پێدڤیه ب زووترین ده‌م ده‌ست ژكاری به‌رده‌ت. هه‌روه‌سا ئه‌و كاره پێشێلكرنا دستووری یه و پێدڤیه جڤاتا نوونه‌ران ئیمزایێن په‌رله‌مانتاران كۆم بكه‌ت بۆ ستاندنا باوه‌ریێ ژ سه‌رۆك كۆماری”.
