شێلادزێ د كەرنەڤالەكی دا پشتەڤانیا خوە بۆ لیستا 190 یا پارتی دیار كر
ئامێدیێ، مەحمود نهێلی:
ل شێلادزێ و ب بەرهەڤبوونا سەربەست لەزگین، بەرپرسێ مەكتەبا ڕێكخستنا دهوك یا پارتی و بەرەڤان حەمدی، بەرپرسێ لقێ 18 یێ پارتی ل ئامێدیێ بەنگین ڕێكانی، وەزیرێ ئاڤەدانیێ ل حكومەتا فیدرال، د كەرنەڤالەكا مەزن یا پڕی جوش دا، جەماوەرێ شێلادزێ و دێرەلۆكێ و سیریێ و دەوروبەران دەربڕینا هەستێن خوە كر و پشتەڤانیا خوە بۆ لیستا 190 یا پارتی و هەر پێنج بەربژارێن سنورێ لقێ 18 دیاركر.
«سەربەست لەزگین» و «بەرەڤان حەمدی» د پەیڤێن خوە دا سوپاسییا جەماوەرێ بەرهەڤبووی كر، بۆ وێ دلسۆزیا مەزن بۆ پارتی و «سەروك بارزانی» و داخواز ژێ كر ب هەمان جوش و گەرماتیێ لێ ب ئارامی و پێگری ب ڕێنمایێن كومسیۆنێ بەردەوامیێ بدەنە هەوا بانگەشێ بۆ لیستا خوە و پشكداریێ د پرۆسێسا دەنگدانێ دا بكەن و سندۆقان پڕبكەن ژ كارتێن لیستا 190 ژ بۆ پاشەرۆژەكا گەشتر.
سەربەست لەزگین گۆت: «ڤێ دەڤەرێ سەلماند دەنگێ وان هەر بۆ پارتییە، هەر ئەڤرۆ ئاهەنگا سەركەفتنێ گێڕا، هەر ئەڤرۆ هەمی لایەنێن دی بێ ئومێد كرن».
