شێنا رێكانی: نێزیكی پازده جۆرێن شریناهیان ژ داهێنانا من ب خوه‌نه
دهۆك، هه‌رهین محه‌مه‌د:
شێنا رێكانی، وه‌كو شێف و شاره‌زا دچێكرنا خوارنان دا، د دیداره‌كێ دا بۆ ئه‌ڤرۆ رۆژناما گۆت: هه‌ر ژ زارۆكینیا خوه من حه‌زا چێكرنا خوارن هه‌بوو ل وی ده‌می دایكا من خوارن چێدكرن، من ژی حه‌زدكر ل گه‌ل وێ چێكه‌م، به‌لێ ژبه‌ركو گه‌له‌ك یا بچووك بووم دایكا من رێ نه‌دا من، به‌لێ پشتی مه‌زن بوویم هه‌ر ل گه‌ل حه‌زا خوه یا به‌رده وام بووم هه‌تا نوكه و هه‌موو جۆرێن خوارنان دزانم دروست بكه‌م چو كورده‌واری بیت چ بیانی بیت و هه‌تا پازده جۆرێن شریناهیان من ب خوه چێكرینه و ژداهێنانا من بوویه و من ناڤ ژی داناینه سه‌ر، هه‌روه‌سا جۆره‌كێ نوو یێ قه‌لیێ هه‌ر ژ داهێنانا من ب خوه یه و من دپرتووكا خوه یا زانینا خوارنێ ژی دا به‌لاڤكریه .
ناڤهاتیێ گۆت: پرتووكا من یا زانینا خوارنێ ب هه‌ردو زمانان كوردی و عه‌ره‌بی هاتیه نڤیسین، چونكو من گه‌له‌ك بینه‌رێن عه‌ره‌ب ژی ل سوشیالێ هه‌نه، و ئه‌و كچێن حه‌زا چێكرنا خوارنان هه‌ی به‌رده‌وام ل سه‌ر تورێن جڤاكی ل گه‌ل من دئاخڤن و رێكا چێكرنا خوارنا وان ب ڤێت نیشا دده‌م و هه‌ر نهێنیه‌كا دچێكرنا خوارنان دا هه‌بیت بۆ دبێژم، چونكو گه‌له‌ك دبێژنه من ده‌مێ ب رێكا ته خوارنێ چێدكه‌ین مه سه‌ركه‌فتن ئینایه
ل دووماهیێ گۆت: دلێنانگه‌ها نووڤاردا ل ده‌ستپێكێ من پیچه‌كا ترسێ و شه‌رمێ به‌رامبه‌ری كامیرێ هه‌بوو، به‌لێ نوكه ئه‌و ترس و شه‌رم نه‌مایه و گه‌له‌ك یا دلخۆشم ل گه‌ل پێشكێشكارێن چه‌له‌نگ ئاڤان و چنار و كارزان و محه‌مه‌د و سوپاسیا وان دكه‌م گه‌له‌ك ل گه‌ل من دهاریكاربوون و وان شه‌رما من ڤه ره‌ڤاند.
