شێوازێ خۆ یێ تایبەت نینە
هەرهین محەمەد:
شێوەكار (ڤیڤیان ئیۆ) ددیدارەكێ دا بۆ رۆژناما ئەڤرۆ گۆت: من كەڤالەكێ هونەرمەندێ جیهانی ڤان كوخ چێكریە و كەڤالەكێ كەڤن ل سەر دیرۆكا كەڤنا ئاشۆری چێكریە و كەڤالەكێ تری ل سەر سیرامیكی و دارا هنارێ و كەڤالێ سەر داری گەلەك پێڤە مژوول دبم و دڤێت مرۆڤ گەلەك یێ هشیار بیت، ژبەركو ب رێكا ئاگری دار دهێتە هلكولان و كەڤال ل سەر دروستبیت و ل دەستپێكا خۆ من زارڤەكرنا هونەرمەندێن جیهانی دكر و من مفا ژ هزرێن وان وەردگرت و وەكو راهێنانەك بۆ من ل سەر كار دكر ب تایبەت د شێوازێ وان دا، بەلێ نوكە من ب خوە هزرێن نوو هەنە و كەڤالان چێدكەم.
ڤیڤیانێ گۆت: د شێوەكاریێ دا مە گەلەك ستایل هەنە وەكو مۆزایك و ریالیزم و گەلەكێن دی، بەلێ ئەز كەڤالان ب هەموو شێوازان چێدكەم و من ستایلێ خوە یی َتایبەت نینە و كەڤالان ل سەر داخازیان ژی چێدكەم و هەركەسەكێ بێژیتە من، یان ب رێكا سۆشیال میدیایێ بیت بۆ چێدكەم.
