شێوه‌كاره‌كا دهۆكێ هه‌ڤڕكیا (ڤانكۆخی) د كه‌ڤاله‌كی دا دکەت
هه‌رهین محه‌مه‌د:
هونه‌رمه‌ندا شێوه‌كار دوعا حه‌سه‌ن حه‌جی، د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: نه‌بتنی من مفا ژ هونه‌رێ شێوه‌كاری دیتیه و هه‌ستپێدكه‌م ئه‌ز بۆ په‌یمانگه‌ها هونه‌رێن جوان یا ژدایك بوویم، چونكۆ په‌یمانگه‌هـ بۆ من هه‌موو هزرو شیان و خه‌یال و هه‌موو تشته و نه‌بتنێ ب چێكرنا كه‌ڤالان دێ ڤالاهیه‌كێ پركه‌م ن به‌لكو ب مۆزیكێ و شانویێ ژی ڤه یا گرێدایمه و دنوكه دا خوه فێری ئامیرێ پیانویێ و گیتارێ دكه‌م و دێ بۆ من گه‌له‌ك یا خوه‌ش بیت ل گه‌ل چێكرنا كه‌ڤالان مۆزیكێ ژی تێكه‌ل بكه‌م و گۆت: كه‌ڤالان ل سه‌ر هه‌موو شێوازان چێدكه‌م و پتریا جاران كه‌ڤالێن مرۆڤان چێدكه‌م، دچێكرنا كه‌ڤالان دا من چو ره‌نگێن تایبه‌ت نین د هه‌موو كه‌ڤالێن خوه دا بكاربینم، چونكو هونه‌ری دانم هه‌موو بۆمنه و چو تشتان بخوه تایبه‌ت نادانم
ناڤهاتیێ گۆت: پتریا كه‌ڤالێن ئه‌زچێدكه‌م هه‌ر ئێكی ده‌مه‌ك یێ هه‌ی ب دووماهیك دهێت، به‌لێ ئه‌و كه‌ڤالێ من ل ڤێ دووماهیێ چێكری و من ڤیا وه‌كو هه‌ڤركیه‌كێ بكه‌م كا چه‌وا هونه‌رمه‌ندێ شێوه‌كار (ڤانكوخ) بۆ ده‌مێ چار سالان ل سه‌ر كه‌ڤالێ خوه كار كر هه‌تا كو ب دووماهیك ئینای من ژی وه‌سا دڤێت ل سه‌ر كاربكه‌م و نه‌كو كه‌ڤالێ خوه بهێلم ب سالا بمینت بتنێ من دڤێت كه‌ڤال هند یێ ب زه‌حمه‌ت بیت كو ده‌م هنده بچیت هه‌تا كو ب دووماهیی بهێت و ئه‌وی كه‌ڤالێ خوه ژی هه‌تا دوو سالا من ل سه‌ر كاركر هه‌تا كو ب دووماهیك هاتی.
زێده‌تر گۆت: تێگه‌هشتنا كه‌ڤالی بۆ كه‌سانێن به‌رامبه‌ر ل دووڤ رونیا كه‌ڤالی دمینت كا چه‌ند كه‌ڤالێ هونه‌رمه‌ندی یێ رونه بۆ كه‌سێ به‌رامبه‌ر و چه‌ند رامان ژێ دچن و دبیت شێوه‌كار رونگه‌كی بدانیت تشته‌كێ ساده ل سه‌ر بكه‌ت و لنكوی رامانه‌كا مه‌زن بده‌ت، به‌لێ لنك كه‌سێ نورمال ده‌مێ سه‌حدكه‌تێ دێ بێژیت ئه‌ڤه چ رامانان ناده‌تو هه‌كه كه‌سه‌كێ هونه‌رمه‌ند سه‌حكه‌تێ دێ دروست درامان و هه‌ستێ شێوهک‌اری گه‌هیت.
