شێوه‌كاره‌كێ كورد وه‌ك داهێنه‌رێ كۆمه‌لا ئه‌ستێره‌یا عه‌ره‌بی هاته ده‌ستنیشانكرن
ئه‌ڤرۆ، ره‌مه‌زان هه‌رنی:
هونه‌رمه‌ندێ شێوه‌كار عه‌دنان عه‌بدولقادر، د دیداره‌كێ دا بۆ ئه‌ڤرۆ گۆت: ب خۆشحالی ڤه ئه‌ز ژلایێ كۆمه‌لا ئه‌ستێره‌یا عه‌ره‌بی بۆ داهێنه‌ریێ وه‌ك نوونه‌ری هه‌رێما كوردستانێ هاتمه ده‌ستنیشانكرن.
ناڤهاتی گۆت: ئه‌ز سوپاسیا هونه‌رمه‌ند نه‌جوا كه‌بها، سه‌رۆكا كۆمه‌لا ئه‌ستێره‌یا عه‌ره‌بی دكه‌م كو ئه‌و باوه‌ری دایه من و سوزێ دده‌م كو به‌رده‌وام بم ل كارێ خوه یێ شێوه‌كاری و بڤێ رێكێ خزمه‌تا گه‌ل و نه‌ته‌وه‌ێ خوه بكه‌م و نه‌خۆشی و قوربانیا گه‌لێ كورد نیشاده‌م ب رێیا چێكرنا كه‌ڤالان، و ئارمانجا من وه‌ك شێوه‌كار ئه‌وه ب رێیا هونه‌ری هه‌موو وه‌لاتێن عه‌ره‌بی بزانن چه‌ند نه‌خۆشی و قوربانی ب سه‌رێ ملله‌تێ مه هاتینه له‌ورا ژی نوونه‌رایه‌تیا كۆمه‌لێ گرنگیا خوه هه‌یه.
ل دووماهیێ گۆت: هه‌تا نوكه من پشكداری د چه‌ندین پێشانگه‌هێن هه‌ڤپشكدا كریه و هنده‌ك تایبه‌ت ژی ڤه‌كرینه كو هنده‌ك ژوان ل چه‌ند ولاتێن ئورۆپی و عه‌ره‌بی بوون.
