شێوه‌كاره‌كێ كورد پلا ئێكێ د به‌ریكانه‌كا عه‌ره‌بی دا وه‌رگرت
دهۆك، شاكر ئه‌تروشی:
پشتی به‌ریكانه‌كا شێوه‌كاری ل سه‌ر ئاستێ وه‌لاتێن عه‌ره‌بی و نێڤده‌وله‌تی، ژلایێ ئێكه‌تیا نێڤده‌وله‌تی یا په‌رتووكێن عه‌ره‌بی و ئه‌كادیمیا نێڤده‌وله‌تی یا په‌رتووك و هزرمه‌ند و ره‌وشه‌نبیرێن عه‌ره‌ب، ب هه‌ڤكاری ل گه‌ل زانكۆیا دانوستاندكارێن عه‌ره‌بی یا دیموكراتی و سه‌ندیكا (اصال) یا داهێنانێ و هونه‌ری و كوربه‌ندا ره‌وشه‌نبیری یا جیهانی یا ئێكێ بۆ هوزانێن مه‌حكی و هونه‌ری یا سالا 2021 هاتیه ئه‌نجامدان و هه‌لسه‌نگاندن بۆ دو قوناغێن جودا هاتیه كرن، هونه‌رمه‌ندێ شێوه‌كار (كه‌لحێ نعمه‌ت) كو ژئیداره‌یا سه‌ربه‌خوه‌یا زاخۆ یه، شیا دهه‌ردو قوناغان پلا ئێكێ ب ده‌ست خوه ڤه بینیت، و باوه‌رناما (عمید الریشه العرب فی الفن التشكسلی لعام 2021) پێ هاته به‌خشین، بۆ زانین ماموستایێ هونه‌رمه‌ند (كه‌لحێ نعمه‌ت) ب كه‌ڤاله‌كی كو ناڤه‌رۆكا وی ل دۆر سروشتێ گونده‌كێ سه ر ب زاخۆڤه پشكداری دوێ به‌ریكانێ دا كربوو.
