شێوەكاری دەروونێ من ئارام دكەت
زنار تۆڤی:
شێوەكار(ڤارین سەربەست) كو خەلكا پارێزگەها سلێمانیێ یە و دەرچۆیا پەیمانگەها هونەرێن جوانە، د دیدارەكێ دا بۆ رۆژنامەیا ئەڤرۆ گۆت: ل كوردستانێ زەلام پتر گرنگیێ ب هونەرێ شێوەكاری ددەن، هەروەسا ژبلی كو شێوەكاری دەروونێ مرۆڤی ئارام دكەت هەستەكێ خۆش ژی ل دەف مرۆڤی پەیدا دكەت، ژبەر هندێ حەزا من بۆ كارێ شێوەكاری رۆژ بۆ رۆژێ زێدەتر لێ دهێت، چنكو شێوەكاری خەونا من یا زارۆكینیێ بوو.
هەروەسا گۆت: هەتا نوكە من دو پێشانگەه ڤەكرینە، دو جاران ل گەل گرۆپەكێ شێوەكاری پشكداربوویمە، من حەزەكا زێدە بۆ كارێ خوە هەیە، لەورا چو تشت نەشێن من ژكارێ من بێزا بكەت، لێ ل گەل وێ چەندێ هەكە ئەز شێوەكار نەبام دابمە شانۆڤان، لێ ب مخابنی ڤە دێ بێژم ل كوردستانێ وەكو پێدڤی گرنگی ب هونەرێ شێوەكاری ناهێتە دان و هیڤیا من ئەوە ژ نوكە وێڤە باشتر گرنگیێ پێ بدەن.
