شێوەكارێن مە داهێنان دكەڤالێن خوە دا كرینە
هەرهین محەمەد:
شێوەكار (جوتیار باجلۆری) ددیدارەكێ دا بۆ رۆژناما ئەڤرۆ گۆت: من ستایلێ خوە یێ تایبەت هەیە و هەتا نوكە ل سەر كار دكەم، بەلێ ب مخابنی ڤە هەتا نوكە ئەو رەوشەنبیری ل دەڤ خەلكێ مە چێ نە بوویە كەڤالەكێ خۆمالی یێ گران بها بكڕن و ل مالێن خوە ب هەلاویسن و نوكە خەلكێ مە پەنا بریە كەڤالێن بازرگانی و ئەوان ل مالێن خوە د هەلاویسن.
زێدەتر گۆت: راستە شێوەكار د مەغدورن و نوزانین ئەڤ چەندە ژ كێ یە و من ژی دڤێت پێشانگەهەكا شێوەكاری ڤەكەم و كەس نینە خوە لێ بكەتە خودان و پشتەڤانیێ ل من بكەت و شێوەكارێن مە هەتا رادەكی داهێنان دكەڤالێن خوە دا كرینە، بەلێ نە بۆ ئاستەكێ پێدڤی و مرۆڤ ل دووڤ ژیوارێ تێدا دژیت كا چ دڤێت و چەوانە و باوەرناكەم سەنگا كەڤالەكی بهێتە كێمكرن، بەلێ جوداهیەكا مەزن هەیە د ناڤبەرا شێوەكارێن ئەكادیمی و شێوەكارەكێ دی خوە فێر كربیت و ب دیتنا من ئەو نە شێوەكارن ئەو وێنە كێشن.
