شێوەکاری و ئەکتەری تێکەلکرینە

ئەڤرۆ، عەزیز ھەورامی:

ھونەرمەندێ بەرنیاس حیکەت ھیندی، د دیدارەکێ دا بۆ رۆژناما ئەڤرۆ گۆت: ھەر چەندە ئەز دەرچوویێ کولیژا ھونەرێن جوانم/ پشکا شێوەکاری ل زانکۆیا بەغدا و تایبەتمەندیا من شێوەکارە، بەلێ ل گەل ھندێ من حەزا ئەکتەریێ ژی ھەبوو، لەورا وەک ئەکتەر ژی من پشکداری د ھژمارەکا فلم و درامادا کارکریە، ھندەک کار ل گەل ھونەرمەندێ مەزن ئەحمەد سالار بوون و ھندەک ژی ل گەل ھونەرمەند تاھا سامان، لەورا ئەز دشێم بێژم من ھونەرێ شێوەکاری و ئەکتەری تێکەلکرینە.

ھەروەسا گۆت: خۆشحالم کو ئێک ژ دامەزرێنەرێن کولیژا ھونەری مە ل زانکۆیا سلێمانیێ، من کومەکا قوتابیان ھەنە پێشەنگن دبۆارێ ھونەری دا و پشکداریێن وان د زنجیرە و درامایێن کوردی دا د بەرچاڤن، و ھەکە ئەم سەحکەینە گوندێن خوە دێ بینین ب دەھان چیرۆک و سەرھاتی لێ ھەنە لێ کی بنڤیسیت و بکەتە زنجیرە و فلم و دراما ھەکە ئەڤە بھێنە نڤیسین ب ھزاران خەلەکان ب دووماھی ناھێن، دووماھی کار من پشکداری د دراما ئاسەوار دا کریە رۆلێ کەسەکی دبینم ب ناڤێ ئەمین، سیناریۆ ژلایێ ئومێد کەڤال ڤە ھاتیە دانان، و ھژمارەکا زۆرا ئەکتەرێن بەرنیاس تێدا د پشکدارن..

کۆمێنتا تە