شێوەکارەک: دەربڕینا رامانا کەڤاڵان ب ناخێ ھونەرمەندی ڤە یا گرێدایە
ئەڤرۆ، رەمەزان ھەرنی:
ھونەرمەندا شێوەکار و پەیکەرساز سارا دلشاد، د دیدارەکێ دا بۆ ئەڤرۆ گۆت: ب رێیا کارێن ھونەری شیام وێ ڤالاھیا ل دەف من دروست بووی تژی بکەم ، ھونەرمەند دڤێت وێ پەیامێ ھەلگریت کو د ناخێ وی دا دروست ببیت و ب دیتنا من دەربڕینا رامانا کەڤاڵان ب ناخێ ھونەرمەندی ڤە یا گرێدایە.
ناڤھاتیێ گوت ژی: ھونەر بوویە پشکەکا سەرەکی د ژیانا من دا ھەتا رادەیەکێ باش شیامە ناخێ خوە د کارێن خوەدا نیشان بدەم و ھەموو کارێن خوە ب پشتەڤانیا بابێ خوە ئەنجام ددەم، ئەو کێماسیێن د ژیانا من دا ھەین ئەز شیایمە ب رێکا ھونەرێ خوە تژی بکەم.
سارایێ خویا کر کو ئەو ب رێیا پەیمانگەھا ھونەرێن جوان فێری گەلەک تشتا بوویە و وێ گەلەک مفا ژ پەیمانگەھا ھونەرێن جوان دیتیە و پەیمانگەھێ ھەموو دەرگەھێن ھونەری بۆ وێ ڤەکرینە و و ب رێیێن ئەکادیمی فێری ھونەری کریە و گۆت: “بەھرا پتریا کەڤالێن من ل دۆر سرۆشتی نە، بەلێ ھندەک جاران کەڤالان ژ ناخێ خوە ژی چێدکەم”.
