شەریف ئیبراهیم: پشت بەستنێ ل سەر یاریکەرین نافخویی دکەین
رەمەزان زەكەریا
د داخویانیەكێ دا سەرۆكێ یانەیا شێلادزێ ئاشكراكر تیما مە دەست ب بەرهەڤیێن خوە بۆ خولا پلا دو یا كوردستانێ كرییە لێ نەبوونا یاریگەهێ مەزنترین ئاستەنگامە یا سالانە.
زێدەتر شەریف ئیبراهیم بۆ رۆژناما ئەڤرۆ گۆت: هەموو یاریزانێن مە نافخوە نە و چو بڕیار لسەر یێن دەرڤە نە هاتیە دان، لەوما ژی دەرگەهێ یانەیێ بۆ هەر یاریزانەكێ دەڤەرێ شیان هەبن دەلیڤەیە بهێتە دناڤ ڕێزێن تیمێ دا،یاریگەها شێلادزێ دقووناغێن دووماهیێ دایە نێزیكی رێژا 75% كارێ وێ ب دووماهی هاتیە، لێ ژبەر رەوشا سەقایی بشێوەیێ بەروەخت كار هاتیە راوەستاندن چاڤەرێ دكەین دەمەك نێزیك دا دێ ب دووماهی هێـت.
ناڤهاتی خۆیاكر: سوپاس بۆ دلسوزیا پشتەڤانان و دەستەیا پشتەڤانان ژبەركو وان ژی وەكۆ مە هەست ب بەرپرسیارەتیێ كریە، من لڤێرە دڤێت بێژمە هەمی پشتەڤانان پارێزگەها دهوكێ جەنابێ دكتور عەلی تەتەر دێ هاریكار بین و هەروەسا بەرپرسێ لقا 18 هاتیە سەر هێلێ و دێ هاریكار و پشتەڤان بین و ئەم چاڤەرێ نە.
سەرۆكێ یانەیا شێلادزێ گۆت: مەزنترین ئاستەنگامە ل هەموو سالێن بووری نەبوونا یاریگەهێ بوو، لێ خوشبەختانە مەسرور بارزانی سەرۆكێ حكومەتا هەرێما كوردستانێ، بریارا دروستكرنا یاریگەهەكێ بۆ مە دابوو و وەكی بەری نوكەژی مەگۆتی كار یێ ل سەر دهێتە كرن ل قووناغێن دووماهیێ دایە، ئاستەنگەكا دی مە هەیە نەبوونا چ مینحەیێن بەردەوام یانەیا مە تووشی ئاریشێن دارای دبیت، دیارەژی نیڤەكا وەرزشا نوكە بوویە پارە وگەلەك ئاریشەیان چارەسەردكەت.
