شەریف قەیران بۆ نەورۆزێ دێ ل دھۆکێ بیت

ھەرھین محەمەد:

شەریف قەیران ھونەمەندێ باکوورێ کوردستانێ دیدارەکێ دا بۆ بەرپەرێ ھونەری یێ رۆژناما ئەڤرۆ دیارکر کو ئەوی بەری ھەیامەکێ ئەلبوومەکا 10 تراکی ل کەنالێ خوە یێ یوتوبی بەلاڤکر و نوکە ژی ئامادەکاریان دکەت تراکەکی ژ ئەوێ ئەلبۆمێ بکەتە کلیپ و بەلاڤبکەت.
قەیرانی زێدەتر گۆت: گەلەک حەزژ باشور دکەم و من ل بەرە بۆ جەژنا نەوروزێ بھێمە کوردستانێ و چەند کارێن ھونەری ئەنجام دەم و من ھەڤالینیەکا باش ل گەل ھونەرمەندێن باشور ھەیە و دەنگێن ھونەرمەندێن ئەوان پرانیا ئەوان یا خۆشە وەکو بلند ئیبرھیم و ھەڤال ئیبراھیم و کاروان کامل و حەسەن شەریف و زەکەریا عەبدوللاحەزژ دەنگێ ھەموویان دکەم و یێ ئامادە مە سترانێن دوقولی ل گەل بێژم و بکەینە کلیپ و ھەروەسان گەلەک حەزدکەم بچمە کونسێرتا، بەلێ من پرۆدەکشن ھەیە و گەلەک یێ بکارم و ھونەرمەند دھێن و ئەم خزمەتا ئەوان دکەین، لەورا ناگەھم کونسێراتان بگێرم، بەلێ ھندەک جاران دچمە ئاھەنگان ل ئەلمانیا
ھەروەسا گۆت: من چ رەخنە بۆ ھونەرمەندان نین و ھەموو دھێژا و خۆشتڤی نە، بەلێ گەلەک حەزدکەم دکارێن ھونەری دا ھونەمەندێن مە یێن سترانبێژ نویاتیان بکەن و ھەموو ستایلێن سترانان بێژن.

کۆمێنتا تە