شەرێ ڤیانێ تشتەکە و شـیان و سەنگا مرۆڤى تشتەکە!
هەلبەت گۆتنێن مەزنا نەخشێن ل بەرینە و د هەمان دەم دا ئاورى و تێگەهەکە بۆ هەمى مرۆڤا ژبەرکو ئەڤە بۆ هەر کەس و لایەکی تێتەگۆتن بەلێ ڤیا مرۆڤ تێ بگەهیت دەمێ بەرەکی راکەت دڤێت بشێت هەلگریت یان ژى وى بەرى دەینتە وى جهێ خوە بگریت و راستیا ڤێ هەلسەنگاندنێ رامانا ڤى بابەتى یە و وەک تێگەهەکێ زانستى دیارە بۆ هەڤرکیا ژیانێ و ئەکید کار و بزاڤ د وارێ ژیانێ دا وەکو هەڤرکیێ تێتەکرن و هەر کەس و لایەک بۆ لایێ خوە رادکێشیت، بەلێ ڤێ چەندێ راستى و شارەزایى بۆ دڤێت ل سەر چاوانیا گەهشتنا وان ئارمانجێن مرۆڤ کار بۆ دکەت و بێگومان ئەوێن رێک و ئاراستێن وان نەدروست بن ئەکید ل ئەڤرازی ناچیتە سەرى، هەلبەت دێ شکەستنا وى مسوگەر بیت، هەروەسا ئێدى بلا ل هیڤیا وان حەزێن دەیناى نەمینن و ئەڤە دزڤریت بۆ دەستپێکا وان داڤێن شاش بۆ دهاتنە ڤەدان، ژبەر هندێ بەرى مرۆڤ ڤیانا خوە بێژیت دڤێت شیان و سەنگا خوە د وێ کۆمەلگەها تێدا دژیت دا بزانیت و پاشى رێبەرى و سەر کێشیێ بخوازیت، ل ڤێرێ داکو ژبابەتێ خوە دوور نەکەڤین. ئەڤرۆ هەرێما کوردستانێ د هەوایەکێ ئازاد و دیموکارتى دا دبۆریت و ب ئاوایەکێ ڤەکرى پەیرەوێ ئایدۆلۆژى و سیاسەتا خوە دکەن، هەروەسا کار و چالاکیێن خوە ب شێوەیەکێ سەربەست ئەنجام ددەن و هەر لایەک ل دووڤ وان درووشم و تێگەهێن خوە ئالایێ کوردایەتیێ بلند دکەن ژ بۆ وێ خەونا گەلێ کورد، بەلێ ئەوا نەهێتە ڤەشارتن ئیرۆ دیارە هندەک ئالیێن سیاسى ل بن ناڤێ پەردا کوردایەتى پێ ل هەمى هیڤى و داخوازێن خەلکێ کودرستانێ ددانن، چونکی د وێ دووربوونا بەرژەوەندێن خوە دا کێشەیا کوردى دبینن، چونکی هزرا وێ چەندێ ناکەن ئانکو نزانن ئەڤرۆ گەلێ کورد گەهشتیە چ ئاستەکی یان ژى بزانن ئەڤە ئەنجامێ چ نە ئیرۆ کورد نێزیکى رۆژێن دەولەتبوونێ دبن و کینە ئەڤ رێکە خۆش کریە بۆ ئەڤێ پشتەڤانیا ل گەلێ مە دهێتەکرن کو ئیرۆ جڤاکێ نیڤدەولەتى گشت ب نێرینەکا تایبەت تەماشەى گەلێ مە دکەن و ناهێتە ڤەشارتن کورد ژى وەکو هێزەکا هەڤپەیمانى و د ڤێ یاریا نیڤدەولەتى دا ل سەر شەرێ دژى داعشێ هاتیە ناسکرن، لێ ئەڤ ئالیێن کەتینە د هەڤرکیەکا نەسرۆشتى دا کارێ وان بوویە تێکدان و نەئارامیا هەرێما کوردستانێ و دڤێت ئەڤێ رەوشا خەلکێ پێ دلخۆش تێک بدەن و بێگومان کارێ گەهشتیە وى رادەى ناڤمالا کوردى بەرەف هەلوەشانێ بچیت و ب تنێ خوە دبینن و دکەنە خودانێ کێشەیا کوردى، بەلێ نزانن سەنگ و ڤیانا وان د تەرازیا گەل و خەلکی دا چەندە، چونکی خەلکێ کوردستانێ دشێت بریارێ ل سەر نوونەرێ خوەیێ راستەقینە بدەت، بەلێ ئەوا حەزا وان ل سەر خوەسەپاندنە و راستیا هەر سەر کێشەیەکێ دى نە ب درووشم و بیروکێن ل سەر کاغەزایە، چونکی خەلک یێ ب ڤان چیرۆک و کراسێن کوردینیا ب سەرڤە وەستاى و دزانن کی بوون دوهى گەلێ مە هشیار کری و ئەوێن ئەڤرۆ ل بەروکێ شەرى خوە کرین پێژانێ ڤى مللەتى کینە و بۆ سبەهى ژى دزانن دى کى بن و ئەکید راستیا وان لایەنا بۆ هەمى خەلکی دیار بوویە کو ئەڤە راستە و راستیا وان ژى دژى خواستەکێن گەلێ مەنە و تنێ بوویە دژایەتیا پارتى و رێبازا بارزانێ نەمر و مەرەم ژڤان هەولێن وان خوە بکەن ئەلتەرنانیف بەرامبەر ڤێ رێبازێ یان بازارێ کوردایەتیا خوە ل بەرخەلکی شرین بکەن و دیارە دڤێ تجارەتا خوە دا سەرنەکەتن، چونکی خەلکێ مە چاڤێن وان ڤەکرینە و دبێژن بلا خودانێن ڤان کرین فرۆتنان رۆژەکێ سلاڤەکێ ل بەروکێن شەرى بکەن، پاشى پرسیارا پاشایەتیا خەلکی بکەن و ئەڤ راستیێن وان ئیرۆ هەمى هاتنە زانین ب تنێ یا مای بزاڤێن شێلیکرنا هەرێما کوردستانێ بکەن و ڤێ رەوشێ بەرەف ئاقارەکێ نەخوازیار ببەن و بەرى خەلکێ مە بدەنە دوبەرەکى و ناوچەگەریێ، هەلبەت ئەڤێن هە ل دەستپێک و هێلیڤانکێن خوە دافێرى تێکدەرى و خرابکاریێ بووینە، لەورا ئیرۆ ژى بناڤێ کاروانێ خەبات و کوردایەتى بزاڤێن خاپاندنا خەلکەکێ دکەن.
بێگومان ئەڤە یێ د فێرگەهەکا وەسا دا هاتینە تێگەهاندن کو دوژمناهیا گەلێ کورد بکەن و دگەل ڤێ ژى خوە دکەنە شێخ و شەریفێن مەکەهێ، داکو خەلکەک باوەریێ پێ بینیت، لێ د راستى دا کەڤلێ مهێ نە و دلێ گورگانە، بەلێ ئەوا بسەرڤە نیشا خەلکی ددەن تنێ گەهشتنا دەستهەلاتێ یە وەکى دى حازرن چارەنڤیسێ کوردا رادەستێ دوژمنا بکەن، لەوا ئەڤ پێکولێن دکەن کو ڤێ ئازادیێ نەهێلن و بەردەوام کارى ل سەر ڤێ ململانا هە دکەن کو دڤێن جارەکا دى بریارا گەلێ مە بکەڤیتە د دەستێ خوین مێژان دا و ئەڤ راستیە د وان بەند و رێکەفتنێن وان دا دیارن و هەمى خەبات و ئارمانجێن وان ئەون پارتى ژ رێکا خوە راکەن، چونکی دزانن تنێ پارتى یە بەرەڤانیێ ژ ماف و سەروەریا گەلێ کورد دکەت، لەورا ڤان دیتن و خواندنان بێهنا پیلان و کودەتایێ ژێ دهێت، بەلێ گەلەک جارا ئەوێن ژ وان مەزنتر دگەل ئالیێن دەرەکى هەمى هەولێن خوە بکار ئیناینە کو پارتى ژناڤ ببەن، لێ نەخشێ وان سەرنەگرتیە، چونکی رێبازەکا دلسۆز و خەم خوارێ ڤى مللەتى ل پشت هەیە و ل سەر راستیێ دچیت و نەشیانە چ بکەن و گەلەک ئالیێن دى بۆ خاترا ڤێ رێبازى هاتینە ناسکرن و ئەڤرۆ ژى نانێ وان دخۆن، لەورا گەلێ کورد ب گشتى ب ڤێ رێبازێ ڤە هاتیە گرێدان و راستى د وێ سەدسالیا خەبات و قوربانیدانا ڤێ قوتابخانێ گەلێ مە هەمى فێرى شۆرەش و بەرخودانا کریە، ژبەر هندێ خەلکێ پشتراستە ب ڤێ رێبازێ کو رۆلەکێ ئەکتیف هەیە و دێ گەلێ مە گەهیننە قووناغا بلندکرنا ئالایێ سەرخوبوونا کوردستانێ و هەلگرێ ڤێ رێبازێ بەرهەڤن راپرسى و پەیاما دەولەتبوونێ بگەهینن و ئەڤ پرسە بوویە رۆژەڤا تەڤایا ناڤەند و سازیێن نیڤدەولەتى کو ئەوان رۆژێن ئازادیا دووماهێ ببینن چونکی چ لایەک نەشێت ڤى بارى دروست هەلگریت، چونکی مێژوویێ راستیا هەر ئالیەکی دیار کریە و باشترین بەلگە مرۆڤ کوژیا داعشێ ل سەر کورد و هەرێما کوردستانێ ئەڤرۆ هەر شەڤەکێ ل بەروکەکێ شەرى چاڤەرێ مرنێ دکەن، ئەڤە ڤەرێژا خەم خورى و تێگەهشتنا سەرۆک بارزانى یە، چونکی یێ ل سەر رێکەکا دروست دچیت بۆ بدەستڤەئینانا ئارمانجێن گەلێ مە، ژ بەرکو ئەو بوویە دارێژەرێ پاقژکرن و رامالینا تیرۆرستێن داعشێ ژ کوردستانێ و هەمى جیهان ژى پەسەندا ڤێ چەندێ ژى دکەت و ژبەر هندێ ئەو رێبازا دوهى گەلێ مە هشیار کریە و ئەڤرۆ ل بەراهیێ قوربانیێ ددەت و بێگومان ئەو دێ سوبـاهى ژى رێبەر و بەراهیا گەلێ کورد کەن.
