شەرەکێ گران دناڤبەرا تورکیا و پەکەکێ روویدا
ئەڤرۆ نیوز:
ئەڤرۆ ل دەشتا بەرازکر ل سنوورێ قەزا مێرگەسوور شەرەکێ گران دناڤبەرا چەکدارێن پارتا کرێکارێن کوردستان و سەربازێن تورکیا روویدا و د ئەنجام دا کوشتی و بریندار ھەنە.
ژێدەرەکێ ژ ھێزێن پێشمەرگەی ل دەشتا بەرازگرێ کو نەڤیا ناڤێ خوە بێژیت بۆ ئەڤرۆ نیوز گۆت: (ئەڤرۆ شەر و پەڤچوون دناڤبەرا چەکدارێن پارتا کرێکارێن کوردستان و سێ قەرەقولێن تورکیا روویدا، بەلێ ھەتا نوکە ئەم وەکو پێشمەرگە چو ژ زیانێن روودانێ و شەرێ وان نزانین).
زێدەتر گۆت: (شەرێ وان پتری دەمژمێرەکێ ڤەکێشا، پێشتر ژی چەند جارەکان ل وێ دەڤەرێ شەر دروست بوویە، پشتی شەرێ قەرەقولێ و پەکەکێ فروکێن تورکیا ژی ب دژواری ئەو دەڤەر بوردوانکریە).
وەزارەتا دەرڤە یا تورکیا د راگەھاندنەکێ دا دیارکر کو ئەڤرۆ ژ ئەنجامێ شەرەکێ ل ھەرێما کوردستانێ دو سەربازێن وان ھاتینە کوشتن و ھەشت ژی بریندارن.
