شەرەک ل شنگالێ پەیدا بوو
ئەڤرۆ نیوز، باسم قاسم شنگالی:
سپێدەهیا ئەڤرۆ ل زالگەها قبایل ل رۆژئاڤایی سەنتەرێ قەزا شنگالێ شەرەك دناڤبەرا سۆپایێ عیراقێ و هێزێن YBŞ دا دروست بوو.
د ئاڤی واری دا چالاکڤانێ ئێزدی سامی ئیسماعیل بۆ ئەڤرۆ نیوز دا زانین، ل سپێدەهیا ئەڤرۆ شەرەك دناڤبەرا سۆپایێ عیراقێ و هێزێن YBŞ دا دروست بو هەردوو ئالیان گولە هاڤێتن ئێک و دو لێ چ کوشتی و بریندار نەبوون سەدەما ئەڤی شەری ژی ژبەر وێ چەندێ بو کو هێزێن YBŞ چەندین ترۆمبێلێن بێ ژمارە ئانیبوون ناڤ هێزا خوە دا ژبەر وێ چەندێ سۆپایێ عیراقێ رازی نەبوو کو ئەوان ترۆمبێلا ل قەزا شنگالێ ب کاربینن.
ل داویێ گۆت، هێزێن YBŞ ئەڤە ماویێ بتر ژ سالەکێ هندەك ژ ئەوان جهێن خوە چوول کربوون جارەکا دی ئەو هاتن ل ئەوان خالێن خوە دا چێکربوون بۆ زانین ئەوە کو ل وێنەیێ دا یا دیار جارەکا دی هێزێن YBŞ دناڤ ئەوێ خالێ دا چێکربوون کو ئەو وێنە ل رەخێ شەری یێ باکور بۆ ئەڤرۆ نیوز هاتیە کێشان ل دەمێ شەری.
