شەش تانکەرێن بەنزینێ بۆ وەلاتێ ئیرانێ هاتنە ڤەگەراندن
ئەڤرۆ نیۆز،عەزیز رەسول هەورامی:
پشتی ل دوشەمبیا بوری شەش تانكه‌رێن بەنزینێ یێن كوالێتیا وان یا خراپ ل دەرگەهێ پەروێزخان هاتینه دەستەسەرکرن، ئەڤرۆ ئەو بەنزینە هاتە رەوانەکرن بۆ وەلاتێ ئیرانێ.
رێڤەبەرێ دەرگەهێ پەروێزخان بۆ ئەڤرۆ نیوز راگەهاندیە:ئەو شەش تانکەرێن بەنزینێ كو بەنزینا كۆمپانیا سمود وەتەن بوون،ژلایێ بنگەهێ سوتەمەنیێ یێ پەروێزخان و رێڤەبەریا نەوت و کانزایێن گەرمیان و وەزارەتا سامانێن سروشتی ڤە پشکنین بۆ هاتیەکرن،ب ئەگەرێ نزمیا کوالێتیێ نەهێلا ئەو بەنزین بهێتە ناڤا هەرێمێ.
ئەو ژی گۆتیە:پشتی پێکئینانا لیژنەیەکێ ژ بنگەهێ گومرگێ و پۆلیسێن گومرگێ و بنگەهێ سوتەمەنیا پەروێزخان، ئەڤرۆ ئەو شەش تانکەرێن بەنزینێ هاتنە رەوانەکرن بۆ وەلاتێ ئیرانێ.
