شەش شیرەتێن زێرین د دەمێ کاری دا
تۆرەبوون و نەئارامی و ئاریشەیێن کاری ل گەل ھەڤالێن کاری یان ڕێڤەبەران ب دووماھی ناھێن، چاڕەسەرنەکرنا ڤان ئاریشەیان دێ دەمژمێرێن کارکرنێ کەتە نەخۆشترین دەم. گیرۆبوون ل ژڤانێن کاری و ڤێک نەکرن ل گەل کەسانێن ل جھێ کاری و تێک شێلانێن د کاری دا رووددەن زۆر ئاریشە ھەنە، ئەو کەسێن رۆژانە کار دکەن دزانن و ئەڤ ئاریشە کارتێکرنێ ل مرۆڤی دکەن د دەمێن دڕێژێن کاری.
ھندەک شیرەت د ھاریکارن ژ بوو ب دەستڤەئینانا بەختەوەریێ و ھەستەکێ خۆش سەرەڕای ڕەفتارێن ڕێڤەبەران یێن نەخۆش و ڤێک نەکرنا دوست و ھەڤالێن کاری، ئەڤە ھندەک ژ شیرەتان:
1- ھەتا ماوێ دەستنیشانکری یێ دەوامێ دەسپێنەکەت، کار نەکە: تلەفۆنێن پێشکەفتی دبیتە ئەگەرێ تێکدانا دەمێن تایبەت یێن کەسانی، گەلەک ژ کارکەران ھەنە، دووڤچوونا نامە و رەوشا کاری دکەن ل مال یان ھەر جھەکی بیت دی ب رێیا تلەفۆنێ یان کۆمپیوتەرێ تایبەت و ھندەک ژی ھەنە کاران ب تلەفۆنا ھەڤالێن کاری دکەن بۆ نمۆنە: خوە مژوولکرن ب تلەفۆنێ.
ل ڤێرە ب گۆرەی کۆڤارا “بریگیتە یا ئەلمانی” شارەزا و بسپۆر شیرەتا وێ چەندێ دکەن کو ل دەمێ دروست یێ کاری کاری بکە و نە زێدەتر.
نە ل دەمێن کاری یێن دروست و ل ڤێرە بسپۆر و شارەزا ئاموژگاریێ دکەن د کۆڤارا “بریگیتە یا ئەلمانی” ب کارکرنێ ددەمێ کاری دا و نە زێدەتر.
2- لیستا ئەرکان: ب دووماھی نەئینانا کارەکێ ب تنێ د کاری دا باشترە ب بۆرینا شەڤێ یان ھەر دەمەکی بیت ل گەل مرۆڤێن نیاس وەکو خێزان. د دەمێن نە یێن کاری دا باشترە، ئەڤجا ب مفاترە تۆمارکرنا ئەرکان ئەوێن رۆژانە و حەفتیانە و ھەیڤانە دھێنە ئەنجامدان، چونکو رێکوپێککرن و زانینا ئەرکان ئەگەرەکە ژبوو کێمکرنا تۆڕەبوون و شەپرزەییێ د رۆژێن کارکرنێ دا.
3- بزاڤان بکە رووتینێ رۆژانە ب گوھۆڕە: گەلەک ل سەر پلانەکا دەست نیشانکری د ھەموو رۆژان دا کار دکەن. کار دەستپێدکەت ب خواندنێ و ھزرکرنێ و دانوستاندنآ ل گەل کەسانێن ئامادە ل جھێ کاری. ل ڤێرە بسپۆر شیرەتا وێ چەندێ دکەن کو ڤێ رۆتینێ ب گوھۆڕن ھندی د شیان دا بیت. چونکو گوھۆڕین ئێکە ژ خالێن گرنگ یێن بلندکرنا ڤیانێ بۆ کاری و بلندکرنا ئاستێ ھزرکرنێ د کاری دا.
4 : خوە ژ ھەر تشتەکێ ھزرا تە تێکددەت دوور بکە: تە جارەکێ تلەفۆن و لاپتۆپ گرتینە ھەکە بۆ ماوێ دەمژمێرەکێ ژی بیت، د دەمێ کارەکێ دەستنیشانکری دکەی؟ ئەڤ کارە دێ بیتە ئەگەرەک بۆ باشترکرنا ب رێڤەبرنا کاری و ب دەمەکێ زووتر.
5- دەمێن بھێنڤەدانێ پشت گوهـ نەھاڤێژە: ھەر 90 دەقیقان جارەکێ مێشک پێدڤی ب ئارامیێ یە، ب تایبەتی د کارێن گەلەک ب مێشکی ڤە د گرێدایی. نەیا دروستە ھەکە مرۆڤ ھزر کەت دەمێن بھێنڤەدانێ دبێ مفانە و ب تنێ بۆرینا دەمی یە، چونکو ئەڤ دەمە ھزرکرن و تێگەھشتنێ پتر و باشتر لێ دکەت.
6- خوە فێری رەفتارەکا جوان بکە ل بەرامبەر رێڤەبەرێ خوە: ئەو ڤێک نەکرنێن ل گەل کەسانێن ل جھێ کاری روو ددەن د دەمێ کارکرنێ دا، رێڤەبەر ھەردەم یێ تۆرەیە ب دەنگەکێ بلند، نە گەلەکا سەیرە و ل دووڤ بسپۆر و شارەزایان د گۆڤارا “فوکس” یا ئەلمانی دا دبێژن “پاراستنا بێدەنگیێ و ئارامیێ زۆر باشترە”، ئەو دەنگێ بلند و تۆڕەیێ رامانا نە ئارامیێ یە ل دەڤ ڕێڤەبەری یان ئەرکێن ل سەر مللێن وی د زۆرن ئەڤجا گازندا دکەت.
یا باشتر ئەوە دڤان دەمێن ھوسا دا مرۆڤ خوە بگریت و یێ ب ھەدار بیت ھەتا دەروونێ رێڤەبەری یان ھەر کەسێ بیت ئارام ببیت ژ نوو دانوستاندنێ ل گەل بکەت. شەش شیرەتێن زێرین بۆ بەختەوەری و شادیێ د دەمێ کاری دا.
