شەش هەلبەستان ب ستایلێ مێكس دێ بەلاڤ كەت
هەرهین محەمەد:
هەلبەستڤان و ئاوازدانەر (شەعبان سلێمان) د دیدارەكێ دا بۆ رۆژنامەیا ئەڤرۆ گۆت: ئەڤە دەمەك بوو ئەز مژوولی تۆماركرنا شەش هەلبەستان كو ب ستایلێ مێكس هاتینە چێكرن، ئەوژی پشتی قوناغا سیدكرنێ بۆراندی و پشتی كلیپكرنا هەلبەستێ مە دەرخستی و پشتی دوێتیا هوزانێ و سترانێ ئەم هاتین مە ستایلەكێ نوو دەرخست ب ستایلێ مێكس و ل بەرە ل نێزیك بهێتە بەلاڤكرن.
شەعبانی گۆت: هەلبەستێن ڤی ستایلی دجودانە ژ هەلبەستێن دی و دڤێت دسەردەمانە بن و ب ئالاڤێن نوو بهێنە دناڤدا و دیتن و خالا گرنگ یا ڤی ستایلی ئەوە دڤێت درێژ نەبیت و دناڤبەرا و هوزان و ستران و مۆزیكێ ئاوازێ دا ژبەركو دا خەلك ژی بگەهیت گوهێ خوە بدەتێ و ئەڤ ستایلە یێ گونجایە ل گەل تەكنەلۆژیا سەردەم و ل گەل پلاتفورمێن سۆشیالی و كوپلێن وێ و ئەڤ ستایلێ من دەرخستی و یێ سیدكرن و كلیپكرن و دوێتی ئێكەم جارە بەرهنگاریا هاتیە گرتن و رێیا هاتیە گرتن و ل دووماهیێ خەلك یێ بوویە دوو جین و هندەكان قەبوولكری و هندەكان ژی نە و ل دووماهیێ ژی بوویە دیاردەو ئەو خەلكێ قەبوول نەكری ژی و ژێ نە درازی چاڤلێكرن كریە وەكو چێكرنا سیدی ل دەمێ من چێكری گۆتی گەلەكان گۆتی كارەكێ خرابە و پاشی ئەو ب خوە هاتن سیدی چێكرن و یا كلیپێ ژی گۆتن وێنەیێ هەی د هەلبەستێ دا مادێ چەوا وێنەكەی و ئەو ب خوە هاتن كلیپ چێكرن و ئەز باوەردكەم ئەڤ ستایل مێكسە ژی دێ خەلك هێن و ژبلی ئەوێن چاڤلێكرنێ دكەن ئەو خەلكێ بەرهنگاریا وێ دكەن ئەو ب خوە دێ هێن ڤی ستایلی چێكەن.
