شەش پڕۆژەیێن وەبەرهێنانێ ل زاخۆ دێ هێنە دروستكرن
دهۆك، لەزگین جۆقی:
رێڤەبەرێ گشتی یێ وەبەرهێنانی ل ئیدارا سەربخوە یا زاخۆ دیار كر، شەش پڕۆژەیێن نوو یێن وەبەرهێنانی ل ئیدارا سەربخوە یا زاخۆ دێ هێنە دروستكرن.
جگەرخوین تاهر، رێڤەبەرێ گشتی یێ وەبەرهێنانی ل ئیدارا سەربخوە یا زاخۆ راگەهاند، ب سەرمایێ نەه ملیۆن دۆلاران دێ شەش پڕۆژەیێن نوو یێن وەبەرهێنانێ د ماوەیێ ڤان دو مەهان دا ل ئیدارا سەربخوە یا زاخۆ دێ هێنە دروستكرن، ژ وانا ژی: سێ پڕۆژە د بیاڤێ پەروەردێ دانە و دو پڕۆژە یێن گەشتیاری و پڕۆژەك ژی یێ وەرزشێ یە، ئەڤ پڕۆژەیێن نوو یێن وەبەرهێنانی ئەڤ سالە ل زاخۆ دێ هێنە بجهئینان.
جگەرخوین گۆت: «دانا مۆهلەتا بۆ پڕۆژەیێن وەبەرهێنانێ ل زاخۆ یا بەردەوامە و هەتا دووماهیا ئەڤ سالە دێ مۆهلەت بۆ شەش پڕۆژەیان هێتە دان، گەلەك دەلیڤەیێن كاركرنێ ب رێیا ڤان پڕۆژەیان بۆ خەلكێ زاخۆ دێ پەیدا بن».
