شەش کەس د دو روودانێن هاتنوچوونێ دا برینداربوون
ئەڤرۆ نیوز، عەلی حاجی :
ئەڤرۆ ل روژا دوو شەمبێ ٢٨/١/٢٠١٩ ل باژێرێ زاخۆ ژئەگەرێ پەیدابوونا دو روودانێن هاتنوچوونێ کەس بریندار بوون و زیانێن مادی ژی بەر ب ترومبێلان کەفتن .
ل دور ڤێ چەندێ بەشیر یوسڤ ، ژ راگەھاندنا ھاتنوچوونا قەزا زاخۆ بۆ ئەڤرۆ نیوز گوت : روودانا ئێکێ ل دەمژمێر ٨ی سپێدێ ل ئوڤەر پاسا زاخۆ ژئەگەرێ بلەز ھاژوتنێ ترومبێلەکا بارھەلگر خوە ل پەرژانێ جادێ دەت و شوفێر ب گرانی بریندار دبیت و ھەر دیسان ژی زیانێن مادی بەر ب ترومبێلێ کەفتن و چەندین ستینێن جادێ ژی ھاتنە ژناڤبرن ، روودانا دووێ ل دەمژمێر ٩:١٥ خولەک ل نێزیک گوندێ حەسەن ئاڤا ژئەگەرێ ب کارئینانا لەزاتیێ ژلایێ شوفێری ڤە ترومبێلەکا تایبەت ژجورێ ھوندا ژبن کونترولا شوفێری دا دەردکەڤیت و پاشی وەرگەریا و بۆ ئەگەرێ برینداربوونا پێنج کەسان زەلامەک دگەل ئافرەتەکێ و زیانێن ماددی ژی بەر ب ترومبێلێ کەفتن .
ناڤھاتی زێدەتر گوت : ل دەمێ بارینا بارنێ پێدڤی یە شوفێر لەزاتیێ ب کار نەئینن، چونکی گەلەک جاران جاددە ژبەر بارینا بارانێ تێک دچن یان ژی گەرێن ئاڤێ دروست دبن .
