شەش یاریزانێن یانەیا ئافرەتێن دهۆكێ د ناڤا كەمپا هەلبژارتیێ ئیراقێ دانە
د داخویانیەكێ دا عەبدولوەهاب ئەبۆلهێل ڕاهێنەرێ هەلبژارتیێ ئیراقێ ل سەر ئاستێ كچان دیار كر د نوكە دا تیما وی دكەمپێ ڕاهێنانێ دانە ل پایتەختێ ئیرانێ تەهران ژبۆ خوە بەرهەڤكرن بۆ ڤاڤارتنێن كۆما سێیێ و دەربازبوونێ بۆ كۆپا ئاسیا ئەوا بڕیارە هەڤڕكیێن وێ ل خزیرانا بهێت وەلاتێ تایلەند مێڤاندارییا وێ بكەت دیسان بۆ كۆپا ئاسیا ئەوا دێ ل دەستپێكا سالا بهێت وەلاتێ ئوسترالییا هێتە كرن.
زێدەتر ناڤهاتی گۆت: پشتی ب سەركەڤتیانە كەمپێ خوە یێ ڕاهێنانێ ل هەولێرێ دانایی تێدا 40 یاریزان پشكداربوون 18 یاریزان بۆ قۆناغا ئێكێ یا ڤاڤارتنان هاتنە داخوازكرن بۆ كەمپێ دویێ یێ نوكە ل وەلاتێ ئیرانێ دهێتە كرن، ل دووڤ پلانێن هاتینە دانان ڕاهێنانێن مە یێن جەستەیی و تەكتیكی نە و پرانییا یاریزانێن مە خودان شیان ژ هەرێما كوردستانێ و بەغدا نە، هەموو یاریزانێن هاتینە داخوازكرن د كەمپێ هەولێرێ دا ئاست و شیانێن جودا هەبووینە و پرانییا وان دێ مفایی ژی َ وەرگرین، مە پێكهاتییەكێ باش هەیە بۆ هەڤڕكییا پلێتێن دەربازبوونێ.
ل دووڤ لیستەیا هاتییە بەلاڤكرن یا 40 یاریزانی رێژەیا هەرە مەزن یا یاریزانێن كچێن كوردستانی نە كو دگەهیتە 75% ژ وانا پێنج یاریزانێن یانەیا ئافرەتێن دهۆكێ ئەو ژی، سیپەل شوكر، دەلال تالب، مەروا جیان، هەیفا هاشم، یوسرا ئیبراهیم و مینا سەرحان دگەل دا یاریزانێن یانەیێن دی یێن كوردستانی ژی دناڤدا نە.
بۆ زانین هەلبژارتیێ ئیراقێ یێ كچان بۆ 11 یاریزانی دێ ڤاڤارتنێن دەربازبوونێ د چارچووڤەیێ كۆما دویێ دا بەرانبەر هەلبژارتیێن تەیمۆرا رۆژهەلات، مەنگۆلیا، تایلەند وهندستانێ كەت، ئەوا دێ یارییا ئێكێ ل 23ێ خزیرانێ دەستپێكەت.
