شەش یاریزانێن یانەیا ئافرەتێن دهۆكێ بۆ هەلبژارتیێ ئیراقێ هاتینە داخوازكرن
قەیس وەیس:
د داخویانیەكێ دا سكرتێرێ یانەیا ئافرەتێن دهۆكێ بۆ رۆژنامەیا ئەڤرۆ دیار كر شەش یاریزانێن تیما وان یا فوتسالێ ژلایێ لژنەیا ئافرەتان ل فدراسیۆنا فوتبۆلا ئیراقێ هاتینە داخوازكرن بۆ ناڤ ڕێزێن هەلبژارتیێ ئیراقێ خوە بەرهەڤكرن بۆ قارەمانییا رۆژئاڤا ئاسیا و ڤاڤارتنێن كێشوەرێ ئاسیا.
زێدەتر سلێمان كانیكی گۆت: ل سەر داخوازییا ڕاهێنەرێ هەلبژارتیێ ئیراقێ یێن لاوان و پێشكەڤتیان لژنەیا ئافرەتان ل فدراسیۆنا فوتبۆلا ئیراقێ داخوازییا شەش یاریزانێن مە كرینە ژ وانا سێ د نوكە چووینە كەمپێ ڕاهێنانێ یێ لاوان ل پایتەختێ ئیراقێ بەغدا ئەو ژی سۆنیا حەسەن، سەحەر سەعەد و مەروا جیان و گۆلپارێز دلپاك جبۆر، دیسان بۆ ئاستێ پێشكەڤتییان هەر ئێك ژ سیپەل شوكر، ئیڤان محەمەد گۆلپارێز و مینا سەرحان و هاتینە داخوازكرن و بڕیارە د رۆژێن بهێت دا بۆ كەمپەكێ ڕاهێنانێ پشكداریێ تێدا بكەن، خوە بەرهەڤكرن بۆ قارەمانیێن رۆژئاڤا و كۆپا كێشوەرێن ئاسیا ل سەر ئاستێ فوتسالێ و فوتبۆلێ.
هەروەسان ناڤهاتی گۆت: داخوازكرنا یاریزانێن یانەیا ئافرەتێن دهۆكێ نە پێنگاڤەكا نوویە بەلكو بۆ چەندین سالە دهێنە داخوازكرن و ئەڤەژی بەلگەیە ل سەر هەبوونا یاریزانێن كچ یێن خودان شیان دناڤ ڕێزێن تیما مە دا دیسان ل پارێزگەها دهۆكێ ژی قووناغەكا باش یا پێشكەڤتنا وەرزشی ب گشتی و ئاستێ كچان ب تایبەتی، ب دیتنا من ل سەر ڤێ شێوازێ و پشتەڤانی بۆ یانەیا ئافرەتێن دهۆك بەردەوامبیت و شێوەیەكێ باشتر گەشبینن دێ ئاست باشتر پێشكەڤیت و هەروەسان شیانێن مەزنتر هەبن.
