شەمەندەفەرك دێ ب ھایدروجێنێ کار کەت
ئەڤرۆ نیوز، ھلۆری:
پێشکەفتنا تەکنولوجیایێ بویە سەدەم کو ژیان ب ساناھی بیت و مرۆڤ ب کێمترین ده‌م و تێچون بگەھیتە بنەجھـ و ئارمانجێن خوە، ب تایبەتی ژ روویێ ھاتنوچوونێ ڤه.
ب گورەی مالپەرى الجزيرة کومپانیا “ستوم” یا فەرەنسی رابوویە ب چێکرنا شەمەندەفرەکا کارەبایی کو ب ھایدرۆجینێ کار دکەت، ئەڤ یەک ژی دبیتە شەمەندەفەرا ئێكێ ب ھایدروجینێ کار دکەت.
مارکو بێری رێڤەبەرێ کومپانیا ناڤبری ل باژێرێ سالزگیتر کو دکەڤیتە باکورێ ئەلمانیا دیارکر کو ئەوان ئەڤ شەمەندەفرە درۆستکریە و ناڤێ وێ کریە کورادیا ینت و گۆت: “ئەڤ شەمەندەفەره وه‌كو هه‌ڤبه‌ركى ل گەل شەمەندەفرێن دن ئارامترە و کەسێن کو وەکو نەفەر ھاتنوچوونێ پێ دکەن دلخوشترن، ئەڤە سەرەرای کو بزوێنەرەکا ب ھێز ژی ھەیە”.
زێدەتر گۆت: “ئەڤ شەمەندەفرە پێدڤی ب چو واێرێن کارەبێ نیە دا کو کار بکەت، ھەروەسا چو دەنگ ژی نینن، چو سوتەمەنی ژی پێ نەڤێت، بەلکو ب تنێ پێدڤى ب ھایدروجینێ یە.
کۆمپانیا ستوم ل گەل ویلایەتا باس ساکس رێکەفتنەک ئەنجام دایە بۆ درۆستکرنا 14 شەمەندەفرێن ژ ڤی جۆری ھەتا کو سالا 2021ێ، کوژمێ ھەر ئێک ژ وان شەمەندەفران ژی دگەھیتە 200 ملیۆن ئۆرویان.
