شەهریبانا كوردی دێ هێتە زاخۆ و كونسێرتەكا مەزن گێڕیت
شاكر ئەتروشی:
ژبۆ پشكداریكرنێ د فەستیڤالا زاخۆ یا شەلوشەپك و جلوبەرگێن كوردی، بڕیارە ل چەند دەمژمێرێن بهێن هونەرمەندا مەزنا كورد (شەهریبانا كوردی) بگەهیتە زاخۆ و ب گێڕانا كونسێرتەكێ دێ پشكداریێ دوێ فەستیڤالێ دا كەت، كو ل بەرە ل رۆژا سێشەمبی رێكەفتی 29/4/2025 دەست پێبكەت و بۆ دەمێ دو رۆژان یا بەردەوام بیت.
ناڤهاتیێ دگرتە ڤیدیۆیەكێ دا كو ل پەیجێ خوە بەلاڤكریە، دبێژیت: خۆشحالم بۆ ڤێ فەستیڤالێ هاتیمە داخوازكرن و من بەرهەڤیەكا باش كریە دا كونسێرتەكا باش بۆ جەماوەرێ خوە ل هەرێما كوردستانێ، ب تایبەت ژی پارێزگەها دهۆكێ و باژێرێ زاخۆ بگێڕم و قەفتەكا سترانان مە بۆ ڤێ كونسێرتێ بەرهەڤكرینە و هیڤیا من ئەوە جەماوەرێ لێ بەرهەڤ دبیت دەمەكێ خۆش و شاد ل گەل مە ببۆرینن.
بۆ زانین فەستیڤال دێ هەتا رۆژا چارشەمبی دانێ ئێڤاری ژی یا بەردەوام بیت و بەرنامەیەكێ باش یێ هونەری بۆ هاتیە دانان و زێدەباری نیشادانا جۆرێن شەلوشەپكان و جلوبەرگێن كوردی یێن هەرچارپارچەییێن كوردستانێ، چەند ئاهەنگێن سترانگۆتنێ ژی دێ هەبن و هونەرمەندێ پێشمەرگە (حەسەن شەریف) ژی دێ دوێ فەستیڤالێ دا پشكدار بیت.
