شەڕێ دژی تیرۆرستێن داعشێ ژ هەمیان نەخۆشتر و قورستر بوو
دیدار، سالار محەمەد دۆسكی:
3 – 5
هەتا بوویە مەغرەب و خوە ڤەكێشا و رەڤین و ئەوا هزر نەدكر بڤی رەنگی دێ بەرسڤا وان هێتەدان و پێشتر ئەو خەلكێ مەیێ دناڤا دا دگۆتن بەختێ خودێ رێكێ بدەنێ بخودێ كەسەك ژ هەوە نامینە ساخ و جورێن ساروخ و چەكی و دەبابە و هێزێن ئیرانێ و گەلەك جورێن لەشكری ل گەل بوون، خودێ پشتەڤان و هاریكار بوو هاتنە شكاندن و پێشمەرگە بۆ هەمیان بو سەهمەكا مەزن چوو سەری دا، و دوڤدا پێزانین گەهشتنە مە یێ چەكی دهاڤێن و رەڤن، وەك پێشتر من ئاماژە پێكری كو شەرێ ئێكێ یێ پشكدار بووم من چ تڤەنگ نەهاڤێت بوون و شەرێ دووماهیێ مەزنترین شەر بوو و دەمێ ل سەر خالێن پێشمەرگەی دگەریام و من گۆتە هەڤالێن خوە سەرێن خوە بلند نەكەن و (موقدمەكی) ل تەنشت من لڤین كر، و گولەك ڤێ كەفت و شەهید بوو و دو پێشمەرگێن دی ژی جهێن خوە گوهارتن ئێكسەر شەهید بوون و سوپاس بۆ خودێ مە سەركەفتنەكا مەزن ئینا و دەنگڤەدا و گەلەك جاران هزرا خوە دكەم هەر دو شەر ل سەر ژیانا من گەلەك ب مەترسی بوون.
لیوا عیسی بوتی، پێشمەرگەیێ شۆڕەشا گولانا پێشكەفتنخواز، زێدەتر گۆت: بەری شەڕێ داعش پێشمەرگەی چەكەكێ گەلەك سادە هەبوو و هەر مە هزرا شەڕی نەبوو و مە چ دوژمن نەبوو و بتنێ مە چەك هەبوو بەرەڤانیێ ژ خوە بكەین، و مە چەكێ هوسا نەبوو كو شەرێ داعش بكەین و بەرامبەر وی چەكێ هەر دو وەلاتێن سوریێ و ئیراقێ كەفت بوو و دەستێ وێ هێزا تیرۆرستی و مە چەك نەبوو، و شەرێ كەسەكێ و یێ زمار ل گەل بووم و بەرپرسێ مەیێ كارگێری بریندار ب بوو و بربوو (توركیا) ئەز ل جهێ وی بووم و من گۆتێ (زێرەڤان) بلەز هەرە دهۆكێ (ئارپیچەكێ) ل گەل (10) گولان ل سەر كیستێ من بكرە و چ تشت ل بەر دەستێ مە نەبوون و مە گۆت هەمەرێن وا هێرشێ بكەنە مە ب چەكێ سڤك نینە و ب كلاشینكوفا ئەم نەشێین، (زێرەڤان) چوو وەكی من گۆتیێ ئەو چەك بوومە ئینا و رۆژەكێ جار جاران هێرشی مەكر و هەر چار جاران مە هێرشا وان ژناڤبر و مدرعەكا وا مە ژ كارئێخست و ما ل سەر جادێ و گەلەكا ب مەترسی بوو و مە خەو نەبوو و دابێژن ل جهەكی ئەڤە هێرش كر و دا ب ترۆمبێلا چینە بەراهیێ وی دەمی فرۆكێن هەوپەیمانا ژی نەبوون و دەمێ هەوپەیمان هاتینە هاریكاریا مە كرین و چەك گەهشتە دەستێ مە و ئێكەم چەكێ گەهشتیە دەستێ مە و شیاین (داعش) پێ بشكێین) چەكێ (میلانو) بوو وەلاتێ ئەلمانیا دامە و مە مفایەكێ باش وەرگرت و هێزێن داعش ژی ل دەسپێكێ ترۆمبێلێن تێنتی و مرۆفێن خوە كوشت نەبوون و دووماهیێ پەیداكرن، پشتی هاتنا (میلانویا) ئێدی هەر جهێ ترۆمبێلێن داعش هاتبانێ دهاتنە ژنافبرن و هەر جەبهەكی (میلانوو) لێ هەبوون و ساتر هاتنەدروستكرن و دناڤبەر مە و داعش دا ساتر هاتنە دروستكرن سێ مەترا بلند و سێ مەترا فرەه بوو و هەمی حەفارا دروستكرن و نەشیا درەبازبن و بیرا من دهێت جارەكێ ل محوەرێ مە شەفەلەكا تێنتی دروست كربوو و هات كەفتە خەندەكێ دا و ئەم ئارام بووین و ئەو نەشیاین هێرشێ بكەن و ئێدی مە هێرش دكرن و هەر جهەكێ پێزانین گەهشتبانە مە مە هێرشكرێ و فرۆكان ژی لێدا و هەر چ هزر مە بوو نەدكرن و هەتا ب دووماهی هاتین و پێزانین هەوالگێری بەردەوام دگەهشتنە مە و مەزانین ل چ جه لڤینێ دكەن یان دێ هێرشێ كەن.
پێشمەرگەیێ شۆڕەشا گولانا پێشكەفتنخواز، گۆت: ژ شەرێن هەرە مەزنێن پشكداری من تێدا كرین شەرێ (كانی ماسێ) بوو و شەڤا 13-14/9/1987ێ بوو و ل گەل خودێ ژێ رازی (محەمەد سالح بۆتی) بووم وی دەمی كادرێ لژنێ بووم و ئەو بەرپرسێ لژنێ بوو، ئەم پسمامێن ئێك بووین و هەڤالێن ئێك بووین و دیسا ئەو بەرپرسێ من بوو ژی و هەمی گاڤا ئەم ل گەل ئێك بووین و شەران ژی دا خودێ ژێ رازی (محەمەد سالح بۆتی) هر نەزانی ترس و كوشتن چیە؟ پتریا شەران ئەم ل گەل ئێك پشكدار بووینە وی دەمی ئە لژنا ئامێدیێ بووین ماوەك بوو (د. رۆژ) ژ مەكتەبا سیاسی هاتبوو دەڤەرێ و ئەم ژ لژنا ئاكرێ هاتبووینە ڤەگوهاستن بۆ لژنا ئامێدیێ و (د. رۆژ) كومبوونەك ب مەكر و گۆت ل دووڤ فەرمانا جەنابێ سەرۆكی هاتیمە دەڤەرێ چەند چالاكیێن مەزن بكەین ل دەڤەرێ و ئێدی ژ دانانا كەەمینا و ستاندنا رەبیا دەربازبین و هێرشێن مەزن وەك فەوجا و لیوا و هەتا وی دەمی مە ئەو ئەزموون ل شەرێن مەزن نەبوویە، جهەكێ وەكی (كانی ماسێ) هێزەكا ئێجارا مەزن یا حوكمەتێ لێ بوو و دەمێ مە ب دووربینێ تەماشی دەڤەرێ دكر و (د.رۆژ) گۆت دڤێت بەری هەر تشتەكی ئەم (كانی ماسێ) ژ دەستێن حوكمەتێ دا بینە دەر و ب شەڤ ئەم چووینە دیڤچوونێ ل گوندێ(بناڤیێ) هنداڤی (كانی ماسێ) كوپەك ل دەڤەرێ هەیە و مە ژوور دا بەرخودایێ كا دێ چەوا هێرشێ كەین و جارەكا دی ئەم هاتینە لژنێ و ماوەكی هەتا ئەو هێز هەمی هاتیە ئاگەهداركرن كو لژنیێن (دهوك، زاخوە، ئامێدی) هێزێن بەرگێری مللی.
