شەڕێ گوندێ دۆستەكا چو جاران ژبیرا من ناچیت
دیدار، سالار محەمەد دۆسكی:
و مە سەحكەرە جهێ وان هژمارەكا مەزن یا هێزا دوژمنی ل وی جهی یە و ئەوێ چاڤدان و لێگەریانێ ل وی جهی دكەن و من ئارپیچەك هاڤێتێ و شكەستن و پشتی ماوەكی دووبارە زڤرینە جهێ خوە و ئەو جه بەرامبەر شكەفتێ یە و بڤی رەنگی یێ دبینم ئەم ل شكەفتێ ڤە ئاسێ بووین و شەر ل هەمی جهان بێ دەنگ بوو و شەر كەفتە سەر شكەفتێ و پێشمەرگەی فیشەك نەمان و پێنچ پێشمەرگە گرتن، سێ ژوانا فیشەك نەمان و دو برینداری كەفتنە دەستێ دوژمنی و (تاهر و یونس) هاتبوونە بن رەبیێ دا دنافا تراشەكێ دا و بتنێ سمێت ل گەل (تاهری) بوو، شەر كەفتە سەر ملێت مە و هەمیا دورێت مە گرت بوون و مە ب روومان ژی هاڤێتێ و مە روومانە ژی نەمان هەتا دەمژمێر 11 ماین و دەمژمێر 11 و چەند خولەك ئەز بریندار بووم شكەفتێ فە و كاك (سالم) سەرێ من گرێدا و پشتی ڤی ماوەی دوژمن هاتنە سەربانێ شكەفتێ و گازیكرن و ئاخفتنێن كرێت گۆتن و دناڤا شكەفتێ دا ناوسكەك هەبوو و هەر سپێدێ من گوتە هەڤالێن خوە دێ ئەڤرۆ ئاسێ بین دشكەفتێ دا لەوما هندەك بەرا ببنە ژوور دێ ل دورێن خوە دناف شكەفتێ دا دانین و دێ چینە ناوسكێ ڤە دناف شكەفتێ دا و هوسا هێزا هاتی زێدە زێدە و فرۆك هاتینە و یێن هار بووین و ئەم چووینە ناوسكێ دا و گەلەك گازی مەكر و هەڤالەكێ مە گرت بوو بناڤێ( سەفەر بەرۆشكێ) ئینا دەرێ شكەفتێ و گۆتێ بێژە هەڤالێن خوە خوە رادەستی مە بكەن و هەر گازیكر بەختێ(صەدامی) خوە رادەست بكەن، من گۆتە هەڤالان كەسەك دەنگی ژ خوە نەئینت، هەر گەف ل مەدكرن و شكەفت یا تاری یە و كەسەك مرۆڤی نابینت و ئێكی گازیكر ئەگەر خوە رادەستی مە نەكەن دێ ساروخەكێ هاڤێژمە وە ئانكو (ئارپیچی) و دەمەكی ئاپیچیەك هاڤێت و خوە مەژیێ مە هەژاند بۆ دیكێل و هەر خولەك یا دبیتە سالەك و هەر گڤاشتنێن مە دهێتەكرن و جاریێ دبێژن ئەم دێ تێنتی كەین و جار یێ دبێژن ئەڤە شەڤەل هات و هەمی ترۆمبێل ژی دهێنە سەربانێ شكەفتێ و هەتا مەغەرەب بڤی رەنگی یا بەردەوام بوو و نەوێریان بهێنە شكەفتێ ڤە و ئەم یێ وێ هزرێ نێزیكترین دەم پێشمەرگە دێ هاڤێتێ و ئەم دیری دەڤەرێ و پێشمەرگەی نە و هەمی بزاڤكرن نەشیان مە بینەدەرێ، كەسەكێ دناڤبەرا لەشكەرێ دوژمنی دا گەلەكێ بزاڤا دكەت و هەر هەڤالێن وی یێ بێژنێ روونە خوار ئەڤە بارەگایێ وانە و ترۆمبێلا وانا یا ڤێرێ و گەلەك شكەفت وێرێ هەنە و هەرێ بیژنێ روونە و ئەو ناروینت و هاتە شكەفتێ ڤە و هەر ئێكسەر هەڤالێن مە رەمی كر و كوشت و
(سلو خدر و نەجمەدین زێوكی) ل گەل برازیەكێ (سلوخدر) دەمێ ب سەرچیایی كەفتین و ئەو هێز هاتیە بەراهیێ و سێ چەتە هاتینە بەراهیێ و داخازا رادەستكرنێ كر وی دەمی تڤنگێن وان دروست بوون و هەرسێ كا ب بهانا رادەستكرنا چەكێ خوە و هەرسێ پێشمەرگان ئێكی ئێك كوشت و دەربازبوون چووینە كانیا ئەڤریكێ، هەتا مەغەرب مان نەشیان مە دەربێخن، و شكەفتێ ڤە ترس نەما و ئەم هەمی چووینە دەستێ ئێك دو و گەردەنا ئێك دو مە ئازاكر بوو چونكە قورتال بوون نەبوو و ئەم بێ هیڤی ب بووین و مە گوت دێ شەری كەین هەتا مرین و ب چ رەنگا مە باوەری نەمابوو جارەكا دی ڤەگەرینە ناف مرۆڤێن خوە، رابوون ئالایێن صور دانانە شكەفتێ و فرۆكا رەمی كر و فرۆكا ل شكەفتا تەنشتا مەكر و ل گەل ڤێ چەندێ مەزانی ئەو هێز هاتیەڤەكێشان و پشتی بێ دەنگ بووین ئەم دەركەفین و پێ زانین گەهشتینە مە پتر ژ سیه چەكداران مە ژێ كوشت بوون، و دانێ مەغرەبە و ب دێربینێ من سحكرێ (سلو خدر) ئەو یێ دهێن وبێ هیڤی بووینە و هزر كرینە دێ هێن جەنازێن مەبەن، دەمێ مە ئێك دو دیتی مە خوە هاڤێتە ئێك و دو و مە ئێكدو ماچی كر و گریا مە یا كەیفێ هات.
سەگڤان كەمەكی زێدەتر گۆت: پێنچ ئێخسیرێن بەعسیا جارەكێ مە گرت بوون و ترۆمبێلەكا لەنگروڤەر ل گەلیێ دیهێ ب شاشی ڤە هاتبوون هاتنە گەلی و هاتنە ناف پێشمەرگە و ترۆمبێل بلەز هاژوت و هزر كر دێ قورتال بن و بیرا من ئەو (عدنان) ل گەل چار ئەسەرێن دی مرۆڤێن هەڤژینا (صەدام) (ساجدایێ) بوون و دەمێ ترۆمبێل بلەز هاژووتی ئەم دناڤ ئەوان كەڤرا بووین و مە هاڤێتێ ژ هەمی رەخا ڤە و ترۆمبێل ل سەر ویلا چوو و ئەم چووینێ ل (كەلاشێخو) مە دەستەسەركرن و هەر هەمی مە برینداركربوون، پشتی شەرێ مەیێ شكەفتێ ئەم هاتینە لژنا دهۆك و مە داخازا ئازادكرنا هەر پێنچ هەڤالێن خوە كر و ئەو هەر پێنچ مەگرتین ل لقێ بوون و هەر پێنچ مەزن بوون و نەدهاتنە كوشتن و ئێزگێ دەنگێ كوردستانێ راگەهاند كو دڤێت ئەو هەر پێنچ پێشمەرگە بهێنە ئازادكرن و ناڤێن وان خاندن بەرامبەر دێ هەر پێنچ ئەفسەرێن مرۆڤێن هەڤژینا (صەدام) ژی هێنە ئازادكرن و پشتی ئێزگەی خواندین، سەرۆك كومارێ عیراقێ (صەدام حسێن) ئێكسەر بریاردا ئەو پێشمەرگە بهێنە سێدارەدان چونكە ئەگەر ب ڤێ پێ گوهورێ رازیببا ئەڤە دانپیدان بوو ب هەبوونا پێشمەرگەی ل دەڤەرێ و هەر پێنچ پێشمەرگە هاتنە سێدارەدان، مە چ وان دیلا نەدكر لێ پشتی ئەوا هەڤالێن مە سێدارەدان مە
داخاز كر دڤێت ئەڤە ژی نەمینن بەرامبەر وان و هەر لژنەكا دەڤەرێ ئێك سێدارەدا و بەرامبەر ئەوان پێشمەرگا ئەو ژی هاتنە سێدارەدان، ئەڤ ژیێ مە پشتی شەرێ (دوستەكا) بری یێ زێدەیە.
كەمەكی ئەو ژی گۆت: چ جاران شەرێ(دوستەكا) ژبیرا من ناچیت و خالەكە ل سەر دلێ من چونكە ئەو هەڤالێن من ئەوێن كەفتینە دەستێ دوژمنی گەلەك بەركەفتی و عەزیز بوون،(مەتین، سەفەر، سەباح، برازایێ سلوخدر) گەلەك عەزیز بوون، دژیانا خوە دا جارەكێ گەلەك عاجزبوویمە بۆ پێشمەرگەكی و كورەك هەبوو دگۆتنێ(ئەحمەد دهۆكی) چالاكی یا گوندێ بەرێ بهار مەدانا و ئەم هاتینە وێ چالاكیێ و (ئەحمەد دهۆكی) یێ بێ چەك بوو و پێشمەرگێن وی دەمی ئەگەر چەك نەبا وی دەمی چەكێ وی د دەستێ دوژمنی دا بوو و دڤیابا چەكێ خوە ژ دوژمنی وەرگرتبا، مە كەمینەك دانا چاریا بابلو و ( ئەحمەد دهۆكی) یێ بێ چەك بوو و گۆت (سەگڤان) ئەگەر ئەفجارە هەوە تڤنگەك راكر بوومنە و من گۆتێ سوزبیت و مە خوە بەلافكر و ترۆمبێلەك هات مە هاڤێتێ و مە (17) تڤنگ راكرن و دووبارە هێز هات و فرۆكە هاتن و مە پێنچ بریندار دان و (ئەحمەد دهۆكی) شەهید بوو و تڤنگ نەگەهشتێ و ئەو كول مادلێ من دا، پشتی هەوا ئەنفالان دەست پێكری وەك هەمی هەڤالێن خوەیێن پێشمەرگە بەرەف توركیا چووین و ل كەمپا (مێردینێ) نێشتەجێبووین و پشتی سەرهلدانا پیرۆز ڤەگەریاینە كوردستانێ و ئێكەم جار هاتینە من خوە هاڤێتە عەردی و من عەرد ماچی كر.
سەگڤان كەمەكی، ل دووماهی گۆت: « ب هیڤی نە یا نێزیكە دێ گەهینە دەولەت بوونێ و پێشمەرگایەتی ژی هندی بكەین مرۆڤ هەر عاشقێ پێشمەرگایەتیێ یە و مرۆڤ خزمەتا مللەتێ بكەت تشتەكێ بچووك نینە و گەلەكێ مەزنە و ئەگەر دووبارە ژ دایك بمە ڤە جارەكادی دێ بمە پێشمەرگە.
