شەڕێ توركیا و پەكەكێ چەندین جاران كارەبا دەڤەرا ئامێدیێ ژ كار ئێخستیە
ئامێدیێ، مەحمود نهێلی:
ژ ئەگەرێ شەڕێ بەردەوامێ د ناڤبەرا گەریلایێن پەكەكێ و لەشكرێ توركیا دا چەندین جاران كارەبا گوندێن سنووری یێن دەڤەرا ئامێدیێ، ب تایبەت ژی ل سنوورێ ناوچەداریا كانی ماسێ ژ كار كەفتیە.
ئەندازیار ئارام جەلال، رێڤەبەرێ بەلاڤكرنا كارەبا ئامێدیێ بۆ رۆژناما ئەڤرۆ دیار كر، مەترسی ل سەر كارمەندێن مە هەیە، بەلێ ب سوپاسی ڤە تیمێن سەخبێریا كارەبێ ب زووترین دەم دگەهنە جهێ كارەب ژێ كاركەفتی و ئەو ئاریشە دهێنە چارەسەركرن و گۆت: «گەلەك جاران ژ بەر شەڕی و توپبارانێ و پاراستنا گیانێ كارمەند و سلامەتیا وانا ئەو چاڤەرێ بەرسڤا لایەنێن ئەمنی دكەن، هەتا شەڕ ب دووماهی دهێت و بشێن وان ژ كار كەفتنا چارسەر بكەن».
گۆتژی: «كەرتێ كارەبێ كەرتەكێ خزمەتگوزارییە و بەردەوام پێدڤی ب سەخبێكرنێ یە، لێ ئەڤ شەڕێ سەپاندی ل دەڤەرێ كارتێكرنەكا زۆر ل كارەبێ هاتیە كرن».
