شەڕ د ناڤبەرا هندستان و پاکستانێ دا دژوار دبیت
فەرمانداریا گشتی یا لەشکرێ پاکستانێ دیار کر، د ئەنجاما ئێرشێن وەلاتێ هندستانێ دا هەتا نها پتر ژ ٣٠ وەلاتیێن سڤیل جانێ خوە ژ دەست داینە و پتر ژ ٥٠ کەسان ژی بریندار بووینە و وان شیاینە چەندین فرۆکەیێن شەڕی یێن هندستانێ ژی ژناڤ ببەن و وەکو پاکستان ئەو ل هەمبەر ئێرشێن هندستانێ بێدەنگ نامینن و دێ ب توندی بەرسڤا هەر ئێرشەکێ دەن.
ل ئالیێ دی وەزارەتا بەرگریێ یا هندستانێ ژی دیار کر د ئەنجاما ئێرشێن پاکستانێ هەتا نها ١١ پۆلیسێن وان هاتینە کوشتن و هژمارەک وەلاتیێن سڤیل ژی بریندار بووینە و هەکە پاکستان بەردەوام بیت و ئالۆزیان بۆ هندستانێ دروست بکەت ئەو دێ ب هەموو شیانێن خوە بەرسڤا پاکستانێ دەن.
ئەمریکا و هژمارەک زێدە ژ وەلاتێن جیهانێ ژی داخواز دکەن کو شەڕێ د ناڤبەرا پاکستانێ و هندستانێ دا بهێتە راگرتن، چونکی هەر دو وەلات ژی خوەدان چەکێ ئەتۆمی نە و ئەو یەک دشێت مەترسیا خوە یا گەلەک مەزن بۆ هەموو جیهانێ هەبیت.
