شەڤا مژ و مۆران
مەهدی گلی
د شەڤەکا مژ و مۆران دا..
هێدی هێدی و ب ئێشی و ژان..
بەرەڤ جهەکی دچیت،
نزانیت دێ رژیێت و دێ رژیێت و..
ب گەشت و پێڤاژویا وی یا تاری
ب دوماهی ناهێت،
ژ مە چێتر د بێدەنگی دا د رژیێن
ب نە ئۆمێدیا خۆ..
لبەر بەرزەبویە و خەونا دبینن،
شەڤ دبێدەنگیا خۆ دا، قەرەبالغەک هەیە،
دنهێنیا خودا جیهانەکا بێدەنگ هەیه،
کەسەرێن ناڤ ئاسۆیا وێ نالینێ دا،
وەکی ستێرا د لەرزن،
خەمگینە و دناڤ خەمێن خودا نقو بوویە،
ب ئێش و ژانێن تاریێ سەرنشیف بوویە،
هەر وەکی ستێرێن سەر سینگێ برینەکێ
خوین ژێ دەردکەڤیت،
ئەو شەڤه یا دناڤ تاوانێن خودا
دلان ب کەسەرێن خۆ د چەمینن و هلدکەن،
هشیار دهێلن و خەونێن وی ژ خەوێ د خون،
خۆشتڤیەک گازندەیان ژسەقایێ خۆ دکەت،
کەسەکێ ئیلهام بەخش سترانان ب بێدەنگیا خۆ دبێژیت،
ب وێ رامانا بۆ هاتیە دانان..
دانوستاندنێ دکەت و..
ڤیانەکا زێدە بۆ وی کەسێ کو لێ عاشق بووی،
کۆچک د سیبەرا خۆدا شاد دبیت،
کو بێ بەهر دگرین،
تێدا ماتەمینی و ستران و…
تەحلیێن شەهیانێ و بەهی،
دسینگێ نهێنیا ڤێ بیرەوەریێ دا هەیه،
ئانکو چ ئاشکرا دکەت و چ ڤەدشێریت؟
