شەڤبێری وەكو بەرێ نەماینە
ئەڤرۆ
شاكر ئەتروشی:
خەلەف حالی،سترانبێژێ بەرنیاسێ چیایێ شنگارێ، د دیدارەكێ دا ل مالا خوە ل ناڤ كەمپەكا ئاواران، بۆ رۆژناما گۆت: دژیەكێ بچووكدا من گەلەك گوهداریا سترانێن فۆلكلۆری دكر، ب تایبەت یێن برۆ كەچۆ و سەعید گاباری و كارتێكرنا وان گەهشتە وی رادەی ل سالا 1984 من ژی دەستپێكر و ل سالا 1990 كاسێتا من یا ئێكێ بەلاڤبوو، نوكە بێ هژمار من كاسێێن بەلاڤكری هەنە.
خەلەفی گۆت: هەلبەت دەستپێكا من ژی وەكو هەر سترانبێژەكی ل دەوات و شەڤبێریان بوویە دووڤدا ئەز هاتمە داخوازكرن بۆ رادیۆ و تەلەفزیۆنان، ژوانا تەلەفزیۆنا دهۆك و رادیۆیا دهۆك و نوكە ژی دچمە شەڤبێری و ئاهەنگ و دەواتان، كو هندەك ژوان ل توركیا و سوریێ بووینە، لێ چەند سالن وەكو بەرێ نەماینە، بۆ زانین من سترانێن دو قۆلی دگەل گەلەك سترانبێژێن ناڤدار گۆتینە، ژوانا (حەسەن عەلی خەنجەر، سەعید گاباری، لەزگین سەیدۆ، خدر فەقیر، چێلی، عابد دهۆكی، غەزال) و گەلەكێن دی.
خەلەف عەلی سالح، بەرنیاس ب (خەلەف حالی) ل سالا 1964 ل ناحیا (تل عزرێر) سەر ب دەڤەرا شنگارێ ڤە ژدایكبوویە، ئەڤ نەه سالن وەك ئاوارە ل كەمپا (قادیا) ل سنۆرێ ئیدارەیا سەربەخۆیا زاخۆ ئاكنجیە.
