شەڤەكا تاری
بەشیرا دەروێش/ قامشلۆ
تلیێن بایێ ڕەش
لاشێ من پەرچە دكی
دەم كیسۆیەك سەد سالی یە
نا لەبتە
دەرباس نابی
سالێن برچیبوونێ، خزانی
ئێش، پەنابەری و
هەروەها
ژ مالزاڕۆكا دایكا خوە
ڤەقەتیام و
بوومە دیل
نە پەلێ دارا من
ب هەسانی كەسك د بوون
نە دناڤبەرا شەڤ و ڕۆژەكێ
مەزن بووم
هەر گاڤەكی ب شەقامەكی
دەستێن قڕێژ
من لال دكن
زمانێ من
ژ من دزین
بەدەویا من
ڕەنگێ من
دخوازن تاری بكن
د بێژن
ئەڤ قەدەرە
ما ئەڤ چ قەدەرە؟
خوەلی ل سەرێ دوژمنێ من بە
پارسووێ من شكاندن
پشتا من ژ هەڤ خستن
تەنێ دلێ من مایە ئازاد
نكارن هەپرییا سەرێ داپیرا من
بگوهۆڕن
نە خەنایا دەستێن وێ
نە دەقا ڕوویێ دایكا من
ژ ڕامانێ من سیل بكن
هەر دەقەك چیڕۆكەكە
ژیان و مرن
شەڕ و ئاشتی و
ئەڤین د هەر دانسالاندە
سەفەر بەری یە
ڕاوستگەها ونداهیێ
د هێلینا مژ و مۆرانێدە
ڕێوتییا خوە د دۆمینە
تەنێ دل ئازادە
ئازادە دل
زەنگلێ بێریبوونێ
ژ نێرگزانڕە
لێددە
بوومە میخ
دناڤبەرا چاڤێن واندا
ڕانابم
ژ بۆنا تە
قەشەما دووربوونێ
د هەلینم و
نا مرم
وەلاتۆ.
