شەڤەكا حێنج
خورشید توفیق باكۆزی
دناڤ پەراسیێن خەوناتەدا
شەڤەكا حێنج پیاسێ دكەت
هەموو پیرۆزییێن پیرۆز
دگەل بێهنشكێن بێهوشییێ
دهەلاڤێژیت و بن پێ دكەت
شەڤەكا حێنج وبێ شەڕمە..
كادیا قەلوونا وێ مژە و
بێهنشكا وێ راستی كوژە و
دادییا ددومانێدا دویدای
ل ڤێ مەیدانكا كەرب و گەفان
قاپ دقەبەنە و
بازارێ درەوا یێ گەڕمە..
دڤێن ناڤێ تەو
حەز و هیڤی و تەڤ خەونێن تە
بێ بهاكەن، ئاخ نەخەمە..
ل بانیا مژا بێ دادییێ
زێمارەكە.. نالینەكە،
ئاخ و ئۆف و برینەكە
ل گرێ هەنێ، ل كۆپێ هەنێ.
ل ناڤ چەنگێن تەوارا هەنێ
وژدانەكا ژانگرتییە و وژدان تەڕمە..!
ئەو ئەلندا دوهی كەتی و
ل هەرفتێ بایی هلنگفتی
ئەڤە ژمێژە ل خۆ دگەریێت ..
یا ب گۆمانە ژ ئەڤرۆیا مە
نەكو ئاتافەكا دی بێت ..
كنجێ گەمارەكا كەڤن
كنجێ گەمارا تەحەمێ
بكەتە بەر مە..!
بكەتە بەر مە..!
