شەکر یان زەیت پتر زیانێ ل لەشی دکەت؟
شەکر و زەیت پێکهاتێا سەرەکینە ل دروستکرنا خوارنێن رۆژانەدا، بەلێ زێدە خوارنا وان دبیتە ئەگەرێ کێشەیێن ساخلەمیێ.
دکتۆر شیف کومار سارین، نۆشدارێ جگەر و مەعیدە و ڕویڤیکان، ڕوون دکەت کو هەرئێک ژوان ب شێوازێن جودا کاریگەری ل سەر ساخلەمیێ هەیە.
زێدەخوارنا شەکرێ پەیوەندی ب بلندبوونا ئاستێ گلوکۆزێ خوینێ هەیە، ئەڤەژی مەترسیا بەرگریا ئەنسۆلین و نەخۆشیا شەکرێ زێدە دکەت هەروەسا پشکدارە ل کومڤەبوونا چەوریان د جگەرێ دا، ژبلی ڤێ چەندێ شەکر ئەگەرەکێ مەترسیدارە بۆ قەڵەویێ و نەخۆشیێن دلی.
زەیتا پالاوگەها کاریگەری ل سەر ساخلەمیا دلی هەیە ب زێدەکرنا ئاستێ کۆلیسترۆلێ زیانبەخش د لەشیدا، بەلێ زەیتا سروشتی وەک زەیتا زەیتوونان چەندین مفایێن گرنگ هەنە هەکە ب ڕێژەیەکا ناڤنجی بهێتە خوارن.
ئێک گراما شەکرێ چار کالۆری تێدانە، ئێک گراما زەیتێ نەهـ کالۆری تێدانە، بەلێ کاریگەریا وان گرێدایە ب جۆر و رێژا چەوریێن خوارنێ، ب وی پیڤەری شەکرا زێدە دگوهۆریت بۆ چەوریان د جگەرێ دا، ئەڤەژی ئەگەرێ تووشبوونێ ب نەخۆشیان زێدەدکەت.
ڕێکخراوا ساخلەمیا جیهانی پێشنیارا کێمکرنا شەکرێ دکەت بۆ کێمتر لە 10%یا کالۆریێن ڕۆژانە و سنووردارکرنا چەوریێن نەساخلەم و گرنگیدان ب چەوریێن ساخلەم.
شارەزا دوپات دکەن کو مامناوەندی ل خوارنا شەکر و زەیتێ گەلەکا پێدڤیە بۆ پاراستنا ساخلەمیێ و خۆپاراستن ل نەخۆشیێن دومدرێژ، ب ڤێژی خوارنا هەڤسەنگ دبیتە هەڵبژاردەیەکا نایاب.
