شەیتان
مەتین وەرمێلی
چەندەك بوو، بابێ وی قاسەكا پارەیا بۆ ئینا بوو، و رۆژانە كۆژمەكێ پارەیی د دایێ، سامانی ژی پتریا وان پارەیان د كرنە د وێ قاسێدا.
دەما زانی پارەیەكێ باش پاشكەوت كریە، گۆتە بابێ خۆ: باب، من دڤێت ب پارێرن خۆ بۆ خۆ ئایپاتەكێ بكڕم.
بابێ وی دزانی، كو ب كێماسی سێ سەد دولار د قاسێدانە، گۆتە كورێ خۆ: كورێ من، قاسا خۆ ب فرۆشە من، ئەز دێ بۆ تە ئایپاتێ كڕم، و قاسە ژی بۆ من.
سامانی چ ئاریشە دگەل پشنیارا بابێ خۆ نەبوو، و هەر زوی ڕازی بوو.
بەلێ تشتێ سەیر ئەو بوو، دەما قاسە ڤەكری، ب تنێ پێنجی دولار تێدا بوون. بێ پڕسیار كرن، بابێ وی زانی، كو دەیكا سامانی پارە ژ قاسێ ئێناینە دەر، و قاسەكا ب هەمان شێوە ل جهێ وێ دانایە، و ب تنێ پێنجی دولار كرینە تێدا. بەلێ یا ژ وێ سەیرتر، دەما پرسیار ژ دەیكا خۆ كری، ئەرێ كێ پارەیێن من ژ قاسێ ئیناینە دەر و برینە؟ دەیكا وی، دا كو ئاشكەرا نەبیت گوتێ: كورێ من، شەیتان هاتیە مالا مە، و پارەیێن تە برینە. ب ڤێ بەرسڤێ بابێ وی شۆك بوو، و د مێشكێ خۆ دا گۆت؛ ئەگەر نوكە سامانی باوەر ژی كربیت، كو شەیتانی پارە برینە، ئەرێ دەما مەزن دبیت، و بزانیت ئەوێ پارەیێن وی برین دەیكا وی بوو، و نە شەیتان بوو، دێ دیتنا وی بو دەیكا وی چبیت، و دێ شەیتان د بیردانكا ویدا بیتە چ؟
و د هزرا خۆ دا گۆت: ئەڤەیە دەما مرۆڤ ب رولێ شەیتانی ڕادبیت، سەد و پێنجی دولارێن دی ژ بەرویكا خۆ قیچكرن، دا لسەر وان پێنجی دولارا تمام بكەت، و ئایپاتێ پێ بكریت.
