شەیدایێ بەژنا چیا
خورشید توفیق باكۆزی
شەیدایێ
بەژنا شۆڕشێ و بەژنا چیا
شاسوارێ سەرخوەبوونێ..
هەموو روژێن تە داستان بوون
هەموو ژیناتە.. خاك و وەلات
رێباز و پارتی ڤیان بوون..
باكوزیوو دێ رابەڤە..
رەوشەنا بانیا باكۆزێ
ل هیڤیا تەیە
هاها دێ ئێی.. پادێ وەرە
گول دخەریبن.. دل دخەریبن
هەڤال و هوگر دخەریبن..
دێ كەنگی ئێی..!
ئەزباش دزانم ئەو جهێ تە
ژ بانیا باكۆزێ خوشترە..
تیرۆژ كا بریناتە خەتیرەكە
گوڕیا وێ ژ ئاگرێ نەوروزێ گەشترە..
پەیاماتەیا پیرۆزە و
ژ تاجا سولتانێ ستەمێ پیرۆزترە
ئەز باش دزانم
تویێ ل دیوانا سەروەران
دیوانا تە ژهەموو دیوانان گەرمترە..
دێ رابەڤە..
ئە و سەچمەیا دسینگێ تەدا
هزر و هەستێن تە داخ ناكەت
تیشكێن ژ برینا تە دوەشیێن
هەیڤ وستێرن..
دگاخا گەرما رۆژەڤێ دا
ئاڤا ناكەت..
ریفراندۆم و كوردایەتی
دەنگ و ماف وئیرادەنە
ب قەیدو گەفێن گڤاشتنێ
دقادا گوهێن بێدەنگ بوون و
هەلەمۆرا زەمانی دا
ژێر ئاخ ناكە ت..
دێ رابەڤە.. سەنگەرڤانۆ
سنوورێن مە ژ خوینا دلێران دارشتین
كێلك ودیرگەهێن پولاینە
بۆ كابوسێن ئەهریمەنێ و
موغلاجیان مەرگ و گورن..
هندی دیرۆكا راستیا
دهەرەشێن خودا بگڤێشن
تیشكێن رۆژا سەرخوەبوونێ
ل تۆزا بیابانێ بكێشن
د لێ كەركووكێ بكەلێش
گوڕیا چاڤێن – بای حەسەن و
بابا گوڕگوڕ ژ كوردایەتیێ ناگوهۆڕن
هێمایێ خوراگریێ
دیما سلاڤ.. دیما دیدار..
دیما داستان.. دیما خاتر خواستناتە..
د سەنگەرێ سەرخوەبونێ دا
دشەرێ مان و نەمانێ دا
سەركەفتن وناف لێدانا پێشمەگا بوو
خویناتە و خوینا شەهیدێن فەرماندە
(عومەر ) بوصەلی و ( صەباحی) و
تەڤ نەمران..
مینا چرایێن چارچران..
ل تەختێ ئەنیا (كانی عزێر)
شەفەق دابوو..
ژ وێ حوجرەیا
خلوەتگەها سوجداوە ژی
ژ بۆ رەوش وخەملا دەولەتێ
ئالا و پرچەم مینا نورهەكا ئاسۆیی
بەرەف ئاسمانێ ئازادیێ بلند رابوو..
سوارێن گەمیا هیلالێ..
ل هەمبەری ئیراداوە و
خوراگری وباوەریا وە
شەرمزاربوون مانە سەرشۆڕ..
مانە سەر شۆڕ..
