شەیدا: بەرھەمێ من یێ جوودایە
ئەڤرۆ نيوز:
ھونەرمەندێ بەرنیاس شەیدا، ل دۆر نووترین بەرھەمێ خوە یێ ھونەری، د دیدارەکێ دا بۆ ئەڤرۆ گۆت: ئەڤ بەرھەمە ب ناڤێ (من بینە بیرا خۆیە) جوداھیا ڤی بەرھەمی ل گەل بەرھەمێن دی دابەشکرنا مۆزیکێ بوو، دابەشکرنا مۆزیکێ ئەز و برایێ من سەفقان و برایێ من عامر پێڤە رابوون لێ ھەلبەست وەکی جارێن دی سەفقانی ھندەک نڤیسین و ھندەک ژی ێن ھەلبەستڤانێن نەمرن وەکی سەیدایێ جگەرخووین و فەرھاد عەجمۆ و ئەڤ جارە ھەلبەستڤان ئومید ژی پشکدار بوو.
سەبارەت سترانا دوقۆلی ل ڤی بەرھەمی من کارێ وێ نەکربوو دبیت ل پاشەرۆژێ کارێ وێ بکەم ئەگەر مژارەکا خۆش بیت و دەنگێ کچێ ل گەل دەنگێ من بگونجیت، مافێ ئەلبۆمێ بۆ ڤین تیڤی یێ پاراستیە، دو سترانا ژی دێ ژێ کلیپ کەم، وێنەگر و دەرھێنەر لەزگین پارچەک ژ سترانا من یا ب ناڤێ (من بینە بیرا خۆ ) ل کوردستانێ کلیپ کریە و پارچا دویێ دەرھێنەر و وێنەگر ئازاد ل وەلاتێ ئەلمانیا کلیپ کریە.
ئەز سوپاسیا وان دکەم بێ بەرامبەر ژ وێنەگرتنێ ھەتا مۆنتاژێ و ژبەر ئێش و ئازارێن وەلاتێ من ب ھەموو ڕەنگا و ئەز ئێکم ژ ڤی جڤاکی و ھونەرمەند دبیتە خۆدیکا مللەتان، لەورا ستایلێ گۆتنا من یێ سترانێ بتر ل سەرخۆ و غەمگینە و دەمێ مللەتێ مە د کەیف و خۆشیێ دابیت ھەلبەستڤان دێ ڕەنگێ ھەلبەستا خۆ گوھۆریت و ئەم ژی وان ھەلبەستا دێ بێژین.
ئەز ب خوە ژ راگەھاندنا کوردی یێ رازیمە و سوپاسیا کەنالێ رووداو دکەم کو گەلەک ھاریکاریا من کریە، و سەبارەت نڤیسینا ھەلبەستێ ئەز ب خۆ نانڤیسم لێ وەک ھزر و بابەتێ وێ ھەلبەستێ ئەز گەلەک جاران دروست دکەم وەکو سترانا کچا کوردا بەری بھێتە نڤیسین ژ ئالیێ سەفقانی ڤە من گۆتێ من دڤێت من سترانەک ھەبت کو تێدا پەسنا کچا کورد بھێتەکرن لەورا سەفقانی نڤیسی و ئاواز ژی بۆ دانا، لێ ئاوازێ پتریا جاران ئەز دانم، سەبارەت پاشەرۆژێ دێ من کارێن باش ھەبن ل وەلاتێ ئەلمانیا و دێ من دەم ھەبیت کو بشێم ل سەر سۆشیال میدیا کارێ خۆ بکەم و ئەز ب دەستێ خۆ ئەکاونتێت خۆ برێڤە د بەم و بەرسڤا خەلکێ خۆ د دەم
