عادل ناسر: كه‌مپا هه‌ولێرێ یا سه‌ركه‌فتی بوو
ئه‌ڤرۆ،
د داخویانیه‌كێدا راهێنه‌رێ تیما ته‌پا پێی یا یانا دهۆكێ دیاركر كو سه‌رباری گڤاشتنێن یاریێن هه‌ڤالینی ل كه‌مپا راهێنانێ ئه‌وا ل هه‌ولێرا هاتبوو دانان لێ سه‌ركه‌فتی بوو و دێ بزاڤێ كه‌ین دو یاریێن دی یێن هه‌ڤالینی ل دهۆكێ ئه‌نجامده‌ین ژبۆ دروستكرنا پێكهاتیێ خوه و باشترین به‌رهه‌ڤی.
زێده‌تر عادل ناسر بۆ رۆژناما ئه‌ڤرۆ گوت: خولا پلا ئێكا ئیراقێ پێدڤی ب پلان و باشترین به‌رهه‌ڤیانه ژبه‌ركو 24 یانا دێ هه‌ڤڕكیێ بۆ سێ پلێتێن ده‌ربازبوونێ به‌ره‌ڤ پلا نایاب كه‌ن، ئه‌ڤه بۆ ماوێ هه‌یڤه‌كه به‌رهه‌ڤیێن مه ده‌ستپێكرینه و پرانیا وان یاریزانا ل وه‌رزێ بوری ل گه‌ل تیمێ ماینه و هه‌روه‌سان چه‌ند یاریزانێن دی بۆ پێدڤیا تیمێ هاتینه زێده‌كرن، لدووڤ پلانێن مه چار یاریێن هه‌ڤالینی ل هه‌ولێرێ هاتبوو ئه‌نجامدان ژبۆ زانینا چه‌سه و ئاستێ هونه‌ری و ته‌كنیكی یێ یاریزانان، هه‌روه‌سان مه پلانێن رێكخستی دانابوون كو ب گه‌هینه ئارمانجا خوه یا كه‌مپێ راهێنانێ، پێگیریا یاریزانان و پشته‌ڤانیا كارگێریێ بوونه ئه‌گه‌ر یێ سه‌ركه‌فتی بیت سه‌رباری گڤاشتنێن یاریان و راهێنانا ئه‌ڤچه‌نده ژی بۆ وێ یه‌كێ یه كو باشترین به‌رهه‌ڤی بهێنه كرن پێخه‌مه‌ت ب جهئینانا ئارمانجا مه ئه‌وژی هه‌ڤڕكیێ بۆ ئێك ژ پلێتێن ده‌ربازبوونێ بۆ پلا نایاب كو پشته‌ڤانیا كارگێریا یانێ و رژدیا یاریزانان گه‌شبینین دێ گه‌هینێ.
ژلایه‌كێ دووڤه ناڤهاتی هیڤی خواست یاریێن وه‌رزێ ئه‌ڤ ساله ب ئاماده‌بوونا جه‌ماوه‌ری بیت و گوت: پشته‌ڤانیا جه‌ماوه‌ری دناڤ یاریگه‌هێ دا خالا سه‌ركه‌فتنێ یه و یا پێدڤی یه له‌ورا هیڤییا مه ئه‌وه ئێكه‌تیا ته‌پاپێی بشێت رازیبوونێ بۆ به‌رهه‌ڤبوونا جه‌ماوه‌ری دناڤ یاریگه‌هان دا بینت، هیڤی و خوزیێن مه بشێم ده‌ستكه‌فته‌كێ ل گه‌ل یانا دهۆكێ تۆماربكه‌م ببیته قاره‌مان و دووباره ڤه‌گه‌ڕێته پلا نایاب.
