عشقێ ل وەرزێ زڤستانێ نەکە
ئه‌ڤرۆ:
گەلەک ژن ھەنە ژ تاریاتیا ئەسمانی ل شەڤێن زڤستانێ تێک دچن، گێولێ گەلەک کەسان ب گوھۆرینا رەنگێ ئەسمانی ل وەرزێ زڤستانێ دھێتە گوھۆرین، جارەکێ دێ بینی رەنگێ ئەسمانی “گەور” بوو و جار دێ بینی ب رۆژ تاری بوو، ب ڤێ چەندێ کارتێکرن ل دلینیا ژنێ دبیت و ل گەل گوھۆرینا رەنگێ ئەسمانی گێولێ وێ ژی دھێتە گوھۆرین، ئەڤە ئەگەرێ ھەست و دلینیا وێ یا ب ھێز و نازکیا وێ یە.
دبیت ژن تووشی ل ھەڤدانێن دلینی ببیت کو نەشێت کونترۆلێ ل سەر بکەت، ئەو د بنیات دا ئەنجامێ ھۆکارێن سەقای نە ل وەرزێ زڤستانێ، کو ھندەک حالەت بەرێ وێ ددەنە خەمۆکیێ، نۆشدارا دەروونی “کریستا رۆت” ناڤێ ڤێ خەمۆکیێ دکەتە “خەمۆکیا وەرزی” کو یا ناسیارە ب “ل ھەڤدانا دلینیا وەرزی” و ژن قۆربانیێن ئێکێ نە بۆ حالەتان. ب ڤێ چەندێ دی گەلەک یا ب زەحمەت بیت ھەکە تە ڤیا یا دلێ خوە بۆ دیار بکەی و ئەو وەرگریت و دبیت رەت بکەت، یان دبیت ھەر شاشیەکا بچووک ژی وە بکەت ھەڤبەندیا ھەوە تێک بچیت.
ل دووڤ گۆتنێن “کریستا رۆت” کو نیشانێن خەمۆکیا نە وەرزی ژ خەمۆکیا وەرزی دجودانە و نیشانێن وێ ژی ئەڤەنە:
ھەستکرن ب کەرخینێ و وەستیانێ.
حەزا خوانرێندەولەمەند ب کاربوھیدراتان کو سەنگا مرۆڤی پێ زیدە دبیت.
نەئارامی و خەمۆکی بێ دیار بوونا چو ئەگەران.
نۆشدارا ناڤبری ڤان شیرەتان دکەت بۆ خوە دوورکرن ژ خەمۆکیا وەرزی:
خوە دانە بەر تیشکەکا سپی یا زەلال، روونشتن ل بەر گلۆپەکا ب ھێز و ب دووراتیا مترەکێ و بۆ دەمێ ٣٠ دەقیقان، ھەر ٩٠ چرکان ژی جارەکێ راستەخوە بەرێخوە بدە تیشکا گلۆپێ بۆ دەمێ سێ چرکان دا ب رێیا تۆرا چاڤی مێشک ب بزاڤ بکەڤیت.
گەریانا ب رۆژێ ل بەر بایێ سروشتی و بەرێخوەدانا ئەسمانی باشترین رێیە تە ژ ھەڤدانێن دلینیێن وەرزی دپارێزیت.
یا باشە تو پێگیریێ ب ڤێ چەندێ بکەی دا رەوشا تەیا دلینی یا پاراستی بیت و دا گێولی تە تێک نەچیت و دا بشێی عشق و ڤیانێ بکەی، یان دا چو تشتێن نە چاڤەرێکری نەکەڤنە ھەڤبەندیێن تەیێن دلینی.
