عه‌بدولره‌زاق سه‌عید: خه‌لاتكرنا یاریزانێن ئامێدیێ نیشانا پووته‌دانێ یه ب وه‌رزشێ
مەحمود نهێلی:
د رێ و رەسمەکی د ل پەیمانگەها تەنیکی یا ئامێدیێ و ب بەرهەڤبوونا بەرەڤان حەمدی بەرپرسێ لقێ هەژدە یێ پارتی و وارشین سەلمان دەڤەردارێ ئامێدیێ و هەژمارەکا بەرپرسێن حزبی و حکۆمی و وەرزشڤان و حەژێکەرێن وەرزشێ، پێنج یاریزانێن یانا ئامێدیێ یێن یاریا کیگ بۆکسینکێ پشتی پشکداری دقارەمانیا یانەیێن ئیراقێ ل سلێمانیێ داکری و ئەنجامێن هەرە باش بدەستخوەڤە ئیناین، هاتنە خەلاتکرن .
عەبدولرەزاق سەعید راهێنەرێ یانا ئامێدیێ یا یاریێن کیگ بۆکسینکی بۆ رۆژنامه‌یا ئەڤرۆ دیار کر، وان پشکداریا د قارەمانیا عیراقێ دا کر بوو ئەوا ل سلێمانیێ هاتیە ئەنجامدان و تێدا شەش یاریزانێن ئامێدیێ پشکداری تێدا کربوو و گۆت: د ڤێ قارەمانیێ دا دو یاریزانێن مە هاتنە هەلبژارتن و بوونە هەلبژارتیێن ئیراقێ و دوویێن دن ژی پلا سێ یێ بدەست خوە ڤەئینان و ئێک ژ وانا ژی پلا دویێ ب دەستخوە ڤەئینان.
ناڤهاتی دیار ژی کر، ئەوە ئەڤرۆ بۆ ڤان یاریزانان هاتیە کرن کارەکێ باش بوویە و ژ بەر کو هەموو دەمان وەرزشڤان پێدڤی ب پشتەڤانیێ یە و پێدڤی ب مۆرالەکا زێدەترە بۆ وێ یەکێ دا بشێت پلێن باشتر ب دەستخوە ڤە بینن و خه‌لاتكرنا یاریزانان نیشانا زێده‌تر پووته‌دانێ یه ب وه‌رزشا ده‌ڤه‌رێ.
هه‌روه‌سان ناڤهاتی گۆت: پشتەڤانیا یاریزانان ژلایێ مادی و مەعنەوی دبیتە ئەگەرێ هندێ یاریزان پتر خوە ماندی بکەت وبزانیت کو ئەو کارێ ئەو دکەت ئەنجامەکی هەی و ب ڤێ یەکی دێ شێن سەرکەفتنێن پتر ب دەستخوە ڤە ئینن.
