عه‌بدولستار عه‌لی: ب نه‌چاری لاوان سه‌ر دئێخینه تیما پێشكه‌ڤتیان
ئه‌ڤرۆ،عه‌لی حاجی :
د داخویانیه‌كێ سه‌رپه‌رشتێ تیما باسكێت بۆلا یانا زاخۆ ئه‌وا پشكدار د خولا پلا نایابا ئێراقێ دا دیاركر هاتنا راهێنه‌رێ نوو ژبه‌ر وێ چه‌ندێ یه مفایی ژ نووترین رێنما و پلانێن یاریا باسكێت بۆلێ ل سه‌ر ئاستێ جیهانێ وه‌ربگرین و بڕیاره د ڤێ حه‌فتیێ دا بگه‌هیته زاخۆ.
زێده‌تر عه‌بدولستار عه‌لی گۆت: تیما مه د قۆناغه‌كێ دا دره‌باز دبیت ژ نه‌چاری هنده‌ك یاریزانێن لاوان سه‌ر بێخین بۆ تیما ئێكێ ژبه‌ركو دو یاریزانێن مه تووشی هنگاڤتنێ بووینه و ڤه‌گه‌ڕیانا وان دیار نینه ژبه‌ر ڤێ چه‌ندێ پێدڤی ب یاریزانان هه‌یه و هاتنا پیشه‌كارێ ئه‌مریكی دێ هێزیه‌ك بیت بۆ تیمێ لێ یا ب زه‌حمه‌ته هه‌ڤڕكیێ بۆ رێزێن ده‌ستپێكێ بكه‌ین و گه‌شبینن دێ مانا خوه د پلا نایاب دا پارێزین،زێده‌باری وێ چه‌ندێ دێ هه‌موو بزاڤا كه‌ین باشترین ئه‌نجام ب ده‌ست ڤه بینن.
ژلایه‌كێ دووڤه ناڤهاتی دیاركر كو راهێنه‌رێ نوو یێ سربی میلان مێسیك د ڤێ حه‌فتیێ دا گه‌هیته باژێرێ زاخۆ و دبیت بۆ یاریا روژا پێنچ شه‌مبێ هه‌مبه‌ری یانا ختوت ئاماده بیت، زێده‌باری وێ مه باوه‌ریه‌كا مه‌زن ب راهێنه‌رێ خوه جوتیار عه‌لی هه‌یه ئه‌وێ دێ مفایی ژ ڤی راهێنه‌ری وه‌رگریت، هه‌كه مه دیت ڤی راهێنه‌ری مفا گه‌هانده تیمێ دێ شێن بۆ سالا دووڤدا گرێبه‌ستا وی ئیمزا كه‌ین به‌روڤاژی هه‌كه نه‌شیا چو بكه‌ت دێ بتنێ بۆ وه‌رزێ ئه‌ڤ ساله ل گه‌ل تیمێ بیت.
