عه‌بدولستار عه‌لی: سه‌رباری ڕه‌دكرنێ مه هیڤیێن هه‌ڤڕكیێ ژ ده‌ست نه‌داینه
ئه‌ڤرۆ، عه‌لی حاجی:
سه‌رپه‌رشتێ تیما باسكێت بۆلا یانا زاخۆ دیاركر بۆ قۆناغا دویێ یا خولا پلا نایابا ئیراقێ به‌رهه‌ڤیێن خوه بشێوه‌كێ باشتر كرینه و داخازا ئینانا چه‌ند یاریزانا بۆ بهێزكرنا رێزێن تیمێ كریه لێ كارگێریا یانێ رازی نه‌بوویه و ئه‌ڤ داخازیه ڕه‌دكر.
زێده‌تر عه‌بدولستار عه‌لی د داخویانیه‌كێ دا بۆ رۆژناما ئه‌ڤرۆ گوت: ژبۆ بهێزكرنا رێزێن تیما زاخۆ د خولا ئیراقێ دا و چاره‌سه‌ركرنا ئه‌وان كێماتیێن د قۆناغا ئێكێ دا په‌یدابووین راهێنه‌رێ تیمێ داخازا دو یاریزانێن ده‌رڤه‌یی هه‌رێمێ كرینه پێخه‌مه‌ت به‌رده‌وامی ب ئه‌نجامێن باش بده‌ین كو د نوكه‌دا رێزا پێنچێ ل سه‌ر لیستا خولا پلا نایاب دهێن و بتنێ جوداهیا چه‌ند خاله‌كێن كێم ژ یانێن رێزا دویێ لێ ژبه‌ر شیانێن سنۆردار یێن دارایی كارگێریا یانێ داخازیا مه ڕه‌دكر ئه‌ڤچه‌نده ژی دبیت كارتیكرنا خوه لسه‌ر ئاستێ تیمێ هه‌بیت، سه‌رباری ئه‌ڤێ ڕه‌دكرنێ مه هیڤیێن هه‌ڤڕكیێ ژ ده‌ست نه‌داینه و دێ شه‌ڕێ بۆ رێزێن ئێكێ كه‌ین.
ژلایه‌كێ دووڤه ناڤهاتی ئه‌وچه‌نده ژی دیاركر تیما زاخۆ یا لاوان باشتره و هه‌ڤڕكیێ بۆ ناسناڤێ خولا ئیراقێ دكه‌ن ب مه‌رجه‌كی ئه‌وژی زێده‌كرنا دو یاریزانێن لاوان ب مووچه‌كێ گه‌له‌ك كێم كو دێ شێن هه‌ڤڕكیێ بۆ ناسناڤی كه‌ن و سه‌ركه‌فتنێن وێ ب كه‌ڤیته دخزمه‌تا تیما مه یا پێشكه‌فتیان دا لێ ئه‌ڤ داخازیه ژی هاتبوو ڕه‌دكرن له‌ورا دێ نه‌چاربین زێده‌كرنا یاریزانێن سه‌ر ئاستێ تازه‌پێگه‌هشتیان بۆ تیمێ و دوور نینه هیڤیێن ناسناڤی ژی ژ ده‌ست بده‌ین.
