عه‌بدولستار عه‌لی: پاشئێخستنا خولێ د به‌رژه‌وه‌ندیا مه دا بوو
ئه‌ڤرۆ، عه‌لی حاجی:
د داخویانیه‌كێدا سه‌رپه‌رشتێ تیما باسكێت بۆلا یانا زاخۆ بۆ رۆژناما ئه‌ڤرۆ دیاركر ئه‌نجامدانا ژماره‌كا چه‌ند یاریان د ماوێ بوری دا و لدووڤ ئێك یا خولا پلا نایابا ئیراقێ دا كارتیكرنا خوه یا نه‌رێنی ل سه‌ر ئاست و چه‌سته‌یێ یاریزانا كربوو و تاراده‌یه‌كی هنگاڤتن ژی زێده‌بوون لێ پاشخستنا یاریێن مه د به‌رژوه‌ندیا تیمێ دا بوو.
زێده‌تر عه‌بدولستار عه‌لی گۆت: ئه‌نجامدانا یاریێن خولێ د حه‌فتیێ دا هه‌تا یاریان كارتیكرنا خوه ل سه‌ر چه‌سته‌یا یاریزان كربوو و هه‌تا چار یاریزان ژی تووشی هنگاڤتنێ بوون ئه‌ڤچه‌نده ژی بوو ئه‌گه‌ر ئه‌نجامێن یاریێ لاواز بن و ئاستێ تیمێ باش نه بیت له‌ورا مه داخاز ژ ئێكه‌تیا باسكێت بۆلا ئیراقێ كربوو چه‌ند یاریێن مه پاشبێخن پێخه‌مه‌ت چاره‌سه‌ریا ئه‌وان هنگاڤتنان و ڤه‌گه‌ڕیانا تیمێ بشێوێ باشتر بیت و ئه‌و بێهنڤه‌دانا بۆ یاریزانا په‌یدابووی ئه‌م شیاین لدووڤ نه‌خشه‌كێ تایبه‌ت ل گه‌ل كادرێ راهێنانێ هه‌موو كێشا چاره‌سه‌ربكه‌ین ژوانا چه‌سته‌یی و ته‌كنیكی و شێوازێ شۆتكرنا یاریزانا بۆ باسكێتا تیما هه‌ڤڕك.
ناڤهاتی ئه‌وچه‌نده ژی دیاركر تیما وان د نوكه دا به‌رهه‌ڤیان بۆ یاریا سوبه‌هی رۆژا چارشه‌مبی دكه‌ت ئه‌وا چاڤه‌ڕێ یه ل باژێرێ كه‌ركووكێ ببینه مێڤانا یانا گازا باكۆر ژ چارچووڤێ خولا ئیراقێ و ئارمانجا مه بتنێ سه‌ركه‌فتنه ژبلی ڤی ئه‌نجامی چو ئه‌نجامێن دی مه هزر بوو نه كریه لێ یاریا دووڤدا یا گرنگه و بهێزی ل گه‌ل یانا شورته د ناڤ جه‌ماوه‌ر و ئه‌ردێ خوه دا كه‌ین.
