عه‌بدولوه‌هاب ئه‌بولهێل: دێ بزاڤێ كه‌ین ب ئه‌نجامه‌كێ باش ژ به‌غدا ڤه‌گه‌ڕیێن
ئه‌ڤرۆ،
بڕیاره ئه‌ڤرۆ و سوبه‌هی یاریێن گه‌ڕا پێنجێ ژ خولا پلا نایابا ئیراقێ یا ته‌پا پێی بهێنه ئه‌نجامدان و هه‌رسێ نوونه‌رێن هه‌رێمێ دێ یاریێن خوه ژ ده‌رڤه‌یی یاریگه‌ها خوه كه‌ن.
سوبه‌هی پێنچ شه‌مبی یانا زاخۆ دێ د یاریه‌كا بهیز دا هه‌مبه‌ری یانا شورته یا به‌غدایی بیت، كوڕێن خابووری ب 10 خالان رێزا سێیێ دهێت و شورته ب هه‌مان خال زێده‌تری گۆلان رێزا دویێ دهێت، عه‌بدولوه‌هاب ئه‌بولهێل راهێنه‌رێ تیما زاخۆ ئه‌ڤ یاریه ب تاقیكرنه‌كا ب هێز دا دیاركرن و گوت: ئه‌نجامێن تیما مه د باشن و ئه‌م ل رێزبه‌ندیه‌كا باش داینه له‌ورا دێ هه‌موو بزاڤا كه‌ین بۆ پاراستنا جهێ خوه، چو كێماتی دناڤ یاریزانان دانینن و هه‌موو به‌رهه‌ڤن، تیما شورته ئێك ژ هێزترین یانێن هه‌ڤڕكن ، سه‌ركه‌فتن ب سانه‌هی نابیت لێ هه‌تا خوله‌كێن دووماهیێ دی َبۆ ئه‌نجامه‌كێ باش ڤه‌گه‌ڕیێن.
ژلایه‌كێ دووڤه یانا هه‌ولێر دێ بیته مێڤانا یانا دیوانیه، یانا پایته‌ختێ هه‌رێمێ سێ خال كۆمكرینه و رێزا 14ێ دهێت، دیوانیه بێی خال ژ سێ یاریان رێزا 20ێ و دووماهیێ یه، ژلایێ خوه‌ڤه تیما نه‌وروز ئه‌وا بتنێ ئێك خال هه‌یی د ره‌وشه‌كا باش دانینه ئه‌ڤرۆ دێ بیته مێڤانا سیناعه ئه‌وا چار خال كۆمكرین و رێزا 14ێ دهێت.
