عه‌تا قه‌ره‌داغی سترانه‌كا خوه یا كه‌ڤن نوو كر
ئه‌ڤرۆ:
عه‌تا قه‌ره‌داغی، هونه‌رمه‌ندێ به‌رنیاسێ كوردستانێ سترانه‌كا خوه یا كه‌ڤن كو ل سالا 1994 ل سه‌ر ده‌مێ ئامیرێن ساده یێن مۆزیكێ تۆماركربوو نوو كر بۆ وان كه‌سێن بیره‌وه‌ری دگه‌ل سترانێن وی یێن وی سه‌رده‌می هه‌ین.
عه‌تا قه‌ره‌داغی ئاماژه دا وێ چه‌ندێ كو ئه‌و سترانا وی نوو كری بناڤێ (ئازیز ئه‌مشه‌و)ه، ئه‌ڤ سترانه د ئه‌رشیفی دا مابوو، به‌لێ ژ به‌ر كوالێتیا وێ یا لاواز كو یا به‌ری 25 سالان بوو و ب كێر به‌لاڤكرنێ نه‌دهات وی ب گرنگ زانی سترانا ناڤهاتی نوو بكه‌ت.
هونه‌رمه‌ند عه‌تا قه‌ره‌داغی نێزیكی 30 سترانان هه‌نه، ب ژماره به‌رهه‌مێن وی د كێمن، به‌لێ ره‌نگه به‌هراپتریا سترانێن وی ژ لایێ حه‌ز ژێكه‌رێن ده‌نگێ وی ئاوازێن ره‌سه‌نێن سترانێن كوردی ڤه رۆژانه بهێنه گۆتن.
هونه‌رمه‌ندێ ناڤهاتی خویا كر كو سترانا (ئازیز ئه‌مشه‌و) ژ په‌یڤ و ئاوازێن وی ب خوه‌نه و بۆ رووداو گۆت: “ل ده‌مێ نووكرنا ڤێ سترانێ (بریار فه‌تاح)ی كارێ وێنه‌كرن و مۆنتاژێ بۆ ڤێ سترانێ كریه، راسته بۆ ده‌مێ چه‌ند سالانه من به‌رهه‌مێن نوو نینن، به‌لێ د پلانا من دایه پشتی نووكرنا سترانێن خوه یێن كه‌ڤن ده‌ست ب كارێن نوو یێن هونه‌ری بكه‌م”.
