عه‌شقه‌كا زیندانكری
عبدالرحمن محمود
دبه‌ر تاڤیه‌كا
بارانا بهاری را
تیڕۆژكا عه‌شقا مه
هه‌لات
ژ زه‌لالیا
ئاڤا كانیا
ژبلنداهیا به‌ژنا چیا
من و وێ هه‌ڤدو ژدل ڤیا
ل ته‌ڤ سحاریان
ب چاڤێن تژی ڤین
ب ده‌م و لێڤێن
پڕی گڕنژین
مه ل هه‌ڤدوو دكر سلاڤ
دناڤ جڤاكه‌ك گرتی
عه‌شقا مه یا زیندانكری
هه‌ر ڕۆژ ل پێله‌كا ترسێ
سیاردبووین
ژڤانێن وێ عه‌شقا ساڤا
نوو دكرنه ڤه
ب چیرۆكێن ئه‌ڤینیێ
بهارا دل ساخ دكره‌ڤه
كه‌لهه‌ك ژئه‌ڤینیێ
مه ئاڤاكر
بۆ ڤین و ژینه‌ك
بێ دووماهی
مه خوه كاركر
ل هیڤیێ نه‌بووین
چ هێز بشێن
كه‌لها عه‌شقا مه
بڕوخینیت
گولێن ڤینا مه
بچرمسینیت
لێ …
قه‌ده‌ر وه‌سا چێ بوو
مه بۆ ئێك دوو نه‌هێلیت
دابونه‌ریت
ب كێلبێن خوه
رها ڤینا مه بقه‌تینت
ئاگرێ عه‌شقێ زوو
بڤه‌مرینیت
مرازا مه دتۆزا
غوربه‌ت و غه‌ریبیێ را
بهێلیت
٢/١/٢.٢١
