عه‌لى عه‌ونى: نورى مالكى شكه‌ستن ئینایه د سیاسه‌تێ دا
ئه‌ڤرۆ نیۆز،ره‌مه‌زان هه‌رنى:
ئه‌ندامێ سه‌ركردایه‌تیا پارتى دیموكراتى كوردستان ئاشكراکر:کو لایه‌نگرێن ناڤا گۆران و كومه‌لا ئیسلامى كه‌سانێن نیشتیمان په‌روه‌ر و دلسوزن دێ ده‌نگێ ده‌ن بو َسه‌ركه‌فتنا پروسێسا رێفراندومێ ل 25/9 , و كومه‌لا ئیسلامى هزر دكه‌ت هەکە كوردستان ببیته ده‌وله‌ت دێ ژلایێ ئاینێ ڤه به‌رپرسیاریه‌تیه‌كا مه‌زن كه‌ڤیته سه‌ر ملێن وان و بزاڤا گۆران ژى خه‌ون و هیڤیى یێن خوه گرێداینه ب به‌غدا ڤه ب ناڤێ ئازادیێ و دیموكراسیێ و مافێ مروڤی ڤه،لەورا یا ره‌وانینه کو گۆران دبێژیت مه ده‌وله‌ت نه‌ڤێت و بن ده‌ستێ دڤێت.
عه‌لى عه‌ونى ئه‌ندامێ سه‌ركردایه‌تیا پارتى دیموكراتى كوردستان و به‌رپرسێ لقێ 10 ل سوران بۆ ئه‌ڤرۆ نیۆز دیارکر:ل سنورێ پارێزگه‌ها سلێمانیێ پشت راستم ئه‌وێن كۆ ده‌نگێ خوه دده‌ن به‌لێ ل روژا رێفراندومێ 25/9 دێ رێژا وان پتر بیت ژ ئه‌وێن دژى رێفراندومێ كۆ نها كومه‌ل و گۆران سه‌رپه‌رشتیا وان دكه‌ن به‌ره‌یێ دژى رێفراندومێ ل وێ پارێزگه‌هێ.
به‌رپرسێ لقێ 10 خویاكر ژى : كوردا ژبلێ سه‌رخوه‌بونێ چۆ هه‌لبژارده‌یه‌كا دى ل عیراقێ نینه پێدڤیه كورد هه‌موو هاریكاربن بۆ سه‌ر كه‌فتنا پروسێسا رێفراندوما كوردستانێ هەکە ئه‌م ڤێ ده‌لیڤه‌یێ ژده‌ست بده‌ین 100-200 سالێن دێ ده‌لیڤه‌یه‌كا دى ب ڤى ره‌نگى بۆ هه‌موو كوردا دروست نابیت،پێدڤیه كومیته‌یێن هه‌مه‌ره‌نگ هه‌بن بۆ وێ چه‌ندێ ئه‌و وه‌لاتێن دور و نێزیك په‌یوه‌ندى بڤێ پرسێ ڤه هه‌ى سه‌ره‌دانا وان بكه‌ین پشته‌ڤانیه‌كا نێڤده‌وله‌تى بخوه دروست بكه‌ین.
ئه‌ندامێ سه‌ركردایه‌تیا پارتى دیموكراتى كوردستان گۆت ژى : نورى مالكى سه‌روك وه‌زیرى به‌رێ یێ عیراقێ كه‌سه‌كه شكه‌ستن ئینایه د سیاسه‌تێ دا ئه‌بۆبه‌كر به‌غدادى گۆت بۆ دڤێت نورى مالكى ده‌سهه‌لاتا عیراقێ وه‌رگرى ته ڤه داکو مووسل جاره‌كادى راده‌ستى َمه بكه‌ت.