عه‌لی ئه‌لوه‌ن: بكڕێ تابلویێن هونه‌ری مه نینن
ئه‌ڤرۆ، عه‌زیز هه‌ورامی، هه‌ولێر
هونه‌رمه‌ندێ شێوه‌كار (عه‌لی ئه‌لوه‌ن) د هه‌ڤیتنه‌كا تایبه‌تدا بۆ رۆژناما ئه‌ڤرۆ ڕاگه‌هاند، كارێ باشنڤیسینێ و كارێ هونه‌رێ شێوه‌كاری جوداهی هه‌یه، و جوداهیا كارێ منێ باشنڤسینێ ئه‌وه كو ب هونه‌رێ (ئه‌بستراكت) ی كار دكه‌م، ئانكو ب ره‌نگاوره‌نگ وه‌كی تابلۆیه‌كا هونه‌ری ده‌ربڕینێ ژ چه‌ندین ڕامانێن هونه‌رێ سه‌رده‌میانه دكه‌ت.
عه‌لی ئه‌لوه‌نی هه‌روه‌سا ئاماژه‌دا، هونه‌رێ شێوه‌كارێ ل كوردستانێ سه‌ره‌رای هه‌موو نه‌خۆشیان د ئاسته‌كێ باش دایه، ئه‌وژی ب ئه‌گه‌رێ ده‌ركه‌فتنا هونه‌رمه‌ندێن گه‌نج و مفا وه‌رگرتنا ژ وان هونه‌رمه‌ندێن مه‌زنێن كورد وه‌رگرتینه چو ئه‌وێن نوكه زێندی و دژیانێ دا ماین یان ژی ئه‌وێن وه‌غه‌ركرین.
هونه‌رمه‌ندێ ناڤاهتی هه‌روه‌سا گۆت: من پشكداری د چه‌ندێن پێشانگه‌هێن هه‌ڤپشك و تایبه‌تدا كریه، دووماهی پێشانگه‌ه یا تایبه‌ت ل هه‌ولێرێ من ڤه‌كریه، هه‌روه‌سا من پشكداری پێشانگه‌ها هه‌ڤپشك یا بناڤێ ( دیدارا ره‌نگ و شێوه) كریه، ب پشكداریا هونه‌رمه‌ندێن به‌غدا و هه‌ولێرێ بوو.
عه‌لی ئه‌لوه‌نی سه‌باره‌ت بها و فرۆشتنا تابلۆیان خوه‌یاكر، مه‌زنترین كێشا هونه‌رێ شێوه‌كاری ل كوردستانێ ئه‌وه كو ب كڕێن یابلۆیێن هونه‌ری مه نینه، هه‌كه هه‌بیت ژی گه‌له‌كێ كێمه، و هه‌كه بكڕه بۆ هات ژی دێ ب بهایه‌كێ گه‌له‌ك كێم بازاری كه‌ت، و بهایێ دروستێ تابلۆیێ ناده‌ت، له‌وڕا گه‌له‌كا ب زحمه‌ته مرۆڤ بشێت ژیان و ژیارا خوه ل سه‌ر هۆنه‌ری په‌یدا بكه‌ت.
