عه‌لی نعمه‌ت: پێدڤی یه گه‌نده‌لی دناڤ راگه‌هاندنێ دا نه‌مینیت
زاخۆ، عه‌لی حاجی:
عه‌لی نعمه‌ت، ئێك ژ وان راگه‌هاندكارێن ده‌ڤه‌را زاخۆیه، كو بۆ ده‌مه‌كێ درێژه دناڤ راگه‌هاندنێ دا كار دكه‌ت، د دیداره‌كێ دا بۆ رۆژناما ئه‌ڤرۆ گۆت: پێدڤی یه گه‌نده‌لی دناڤ راگه‌هاندنێ دا نه‌مینیت و ئێدی راگه‌هاندن بۆ به‌رژه‌وه‌ندیێن كه‌سوكی نه‌هێته ب كار ئینان، و ب دیتنا من دارشتنا راپۆرتان د به‌رێ دا باشتر بوو ژ نوكه.
عه‌لی گۆت: ده‌ستپێكا من یا راگه‌هاندنێ بۆ سالا 1994 ڤه دگه‌ریت كو ل گه‌ل راگه‌هاندنا ئێكه‌تیا قوتابیێن كوردستانێ وه‌كو په‌یامنێر من كار دكر، دووڤدا ل چه‌ند كه‌ناله‌كێن نافخۆیی و ئه‌سمانی من كاركریه، به‌لێ ده‌مێ بۆچێكرنا راپۆرته‌كێ مه قه‌ستا سه‌نگه‌رێن پێشمه‌رگه د كر ئه‌و رۆژ بۆ مه خۆشتنرین ده‌م بوون، د به‌رێ دا رۆژنامه‌ڤانی زێده‌تر دناڤ خه‌لكی دا بهایێ خوه هه‌بوو ژبه‌ركو د ده‌مه‌كی دا رۆژنامه بتنێ ده‌رگه‌هه‌ك بوون خه‌لك ب رێیا وی كه‌سی خوه ببینیت، به‌لێ نوكه به‌رۆژڤاژی لێ هاتیه، ژبه‌ركو هه‌ر كه‌سه‌ك دشێت د مالا خوه دا خوه بكه‌ته په‌یامنێر ئه‌و ژی ب رێیا سۆشیال میدیایێ، سه‌رباری هه‌بوونا گه‌له‌ك ده‌زگه‌هێن راگه‌هاندنێ ل كوردستانێ به‌لێ هنده‌ك جاران شاشیێن مه‌زن د دارشتنا راپۆرتان دا دهێته كرن كو ده‌مه‌كێ كار هه‌موو تشت ب نڤیسینا جه‌ستی بوو، به‌لێ دارشتنه‌كا ب هێزتر بوو، ئێدی پێدڤی یه گه‌نده‌لی د راگه‌هاندنێ دا نه‌مینیت و راگه‌هاند خوه پتر ب هێزتر و سه‌نگ تر ببنیت.
