عه‌مار فه‌رهاد: ب تمامكرنا پرۆژه‌یێن وه‌رزشی دێ گوهۆڕینێن باش هێنه كرن
عەلی حاجی:
د داخویانیەکێ دا سەرۆکێ یانەیا زاخۆ یا وەرزشی بۆ رۆژنامەیا ئەڤرۆ دیار کر هەتا نوکە پرۆژەیێن وان یێن وەبەرهێنانێ ماینە نیڤەروو و نەهاتینە تەمام کرن و ئەو چاڤەرێ وەبەرهێنەرەکێ نە داکو ئیمزابكه‌ت و قسته‌كێ باش یێ پارەیێ بۆ یانەیا زاخۆ به‌رهه‌ڤ بكه‌ت.
زێدەتر عەمار فەرهاد گۆت: پروژەیێن وەبەرهێنانێ یێن دەوروبەرێن یاریگەها زاخۆ یا نێڤدەولەتی نیڤەروو ماینە و نەهاتینە تەمام کرن و ئەو پرۆژەیە ژی پێدڤی ب تەمامکرنێ نە ژبەرکو دێ گەلەک مفایی گەهینتە یانەیا زاخۆ، ئەو چاڤەرێنە وەبەرهێنەرێ شوققەیێن دەوروبەرێن یاریگەها دەلال یا وەرزشی پارەیێ یانەیا زاخۆ بدەتێ داکو بشێن پرۆژەیێن دەوروبەرێن یاریگەها نێڤدەولەتی ئاڤا بکەن و بێخنە د خزمەتا یانەیا زاخۆ دا.
ل دور بەرهەڤکرنا تیمەکێ بۆ وەرزێ نوو یێ خولا ستێرێن ئیراقێ یا تەپا پێی سەرۆکێ یانەیا زاخۆ دیار کر ئەو چاڤەرێی ئێکلا کرنا کوژمەیێ یانەیا زاخۆنە داکو بشێن ل دووف وی داهاتی تیمەکێ دروست بکەن و ئەو کوژمێ پارەیی ژی پێدڤیە ژلایێ حکومەتا هەرێما کوردستانێ ڤە بهێتە دابین کرن و هەتا ئەو کوژمەیە نەهێتە دابینکرن ئەم نەشێن چ پێنگاڤان باڤێژین.
ل دووماهیێ گۆت ژی: ل سەر داخازیا ڕاهێنەرێ مە د بەرنامەیێ مە دایە هەڤبەستا گەلەک یاریزانێن خوە یێن ڤی وەرزی نوو بکەینە ڤە و هەتا نوکە ڕاهێنەرێ مە یێ قەتەر بلوشی بۆ وەرزێ بهێت ژی دێ دگەل مە دا بیت و مە پرۆژەیێن باش ل بەر هەنە ئەنجام بدەین.
